Thufiim 21 : 1 \u2013 31
\n21:1 Kumpibawi thinlung heh Bawipa kut songah um ii, Rawnti bangin amah daih hmun ah zu ruai ii.
\n2 Na bawnhnaak zongzong khiah pha sek ii tiin ruat tuh ii si, Ikhalselai Bawipa in tu thinlung lam sawn siik ii.
\n3 Thu dikcang le thumawi bawn heh, Hibawl tah in Bawipa in daih sawn ii.
\n4 Mi phalo te tu tluangkhawnghnaak le puarhnaak in uk ii; Hemi heh sualhnaak ii.
\n5 Phatak ai khuaruat hnua in naa per lesikhaw hlawhtling tuh ii si, Ikhalselai rang ze in per lesikhaw khopkham nai tuh awng lo ii si.
\n6 Awkrawl ai ngah hnaak sum le saw heh camkhat in paai leh ii; Thihhnaak kaa songah na hoi ii.
\n7 Mi phalo te khiah amah te bawn hnaak phatlohnaak in hnawmcan tuh ii, Zaimaan in tifangin thil dikcang zaikhai bawn hiam lo ii.
\n8 Mi phalo te lampui tu a kawn ii, Ikhalselai mi cianghlim in thil dik bawn ii.
\n9 A phunciar tio nupui thawn innpui song ai um kawm tah in, Innphu ningnawi vum ai mah leek um pha sawn ii.
\n10 Mi phalo te in tu thil phalo bawn hiam tio ii, Aisu vum ah khai ninghiohnaak thinlung nai lo ii.
\n11 Mi hngal cawh fangin mivoi in fiim ngah ii, Ikhalselai mifiim tu cuuk fangin a fiimhnaak khang ii.
\n12 A dikcang Pathian in mi phalo te inn ah zai cang ii ti ling sek ai, Mi phalo khiah hnophnaak ah hleng ruai tuh ii.
\n13 Farah te auhnaak aw ngaai zuam lotu khiah, Amah au leh fangin aisu inkhai ling sah tuh ve lo ii.
\n14 Thupruuk ai pe hnaak laksawng in thinraw dap ruai ii, Pon hnia ai pe hnaak nawhthuh in thinraw neem ruai ii.
\n15 Thu pakhat khat cang ngaai ai reel fangin mi dikcang te caa aanghnaak ii, Ikhalselai mi phalo te caa thasia hnaak ii.
\n16 Fiimhnaak lamkhung an tliartu te khiah thihhnaak in bawh ii.
\n17 Nunnuam hiamtu khiah farah tuh ii, Zu le sa duhtu khiah nai tuh awng lo ii.
\n18 Mi phalo tein mi pha te kongcung ai hleng ruai hnaak anhnaak khiah, Amah te kongcung ah hleng leh de ii.
\n19 A cam tio le mi hau thai nupang thawn um kawm tah in Ruunsiat ram ah dapniu ai um pha sawn ii.
\n20 Mifiim umhmun ah naih le nuamhnaak um ii, Ikhalselai mivoi in tu, tangka ngah suangpah hmang sek ii.
\n21 Dikcanghnaak le ninghiohnaak nai tu lai na san na sau tuh ii, Mi in khai na zuul tuh ai, phatak in na tuamhlawm tuh ii.
\n22 Mi fiim in, mi cak te kiil hnaak khuapui khiah lang ben ai, Amah te ring hnaak vingkulh khai bal thil ii.
\n23 Mah lai le kaa kiil bentu khiah harsahnaak an luat tuh ii.
\n24 Mi puar, tluangkhawng le hngal roh ai nungtu khiah, A hming ah, \u201cMizohsuamtu,\u201d ti ii.
\n25 Naa per nuam lo thazawng pa tu, Amah veve reek duun beetbo ii.
\n26 Suunnivui ai a khuaruah hnaak tu zai ngah ni ngaang ti leek ii, Ikhalselai mi dikcang te in tu, paamhaih loin siang roh in pe ii.
\n27 Mi phalo bawlhnaak khiah Bawipa in ning dul ii, Khuaruah phalo thawn a bawn hnaak khiah ningdul aam aam ii.
\n28 Thulingpuitu dikcanglo khiah paai tuh ii, Ikhalselai thudik reeltu ai thu khiah mi in saang tuh ii.
\n29 Mi dikcang in amah veve ring duun ii, Ikhalselai mi phalo in tu thu bawn de ii.
\n30 Bawipa tawng lesikhaw, mihing fiimhnaak, thiamhnaak le lingthilhnaak in na bawm ben tuh lo ii.
\n31 Raal tawng nia caa ai saai te heh ringlep in dah cia ii, Ikhalselai raal nehhnaak tu Bawipa hnen an kawi ii.<\/p>\n
Thufiim 22 : 1 – 29
\n22:1 Naihhnaak tah in phathnaak riil tuh hnaak sawn ii, Ninghiohnaak khiah sui le nguun tah in pha sawn ii.
\n2 Farah le minai bang duun hnaak teng um ii, Ciami tu, Bawipa ai seemruaihnaak veve ihnaak ii.
\n3 Mifiim in tu, harsahnaak hmu fangin pial ii, Ikhalselai mivoi in tu, fon tlaptlo ai a hnua leh fangin sir leh ii.
\n4 Hniatacuh in Bawipa kihzah tu lai, Naihhnaak, zuulhnaak le sansauhnaak ngah tuh ii si.
\n5 Mi phalo te lamkhung tu hling le thang thawn diim ii. Nung hiamtu in hlaapui an pial tu seh.
\n6 Naupang khiah nundaan dik cuuk tu lai, A hausa tian cia lamkhung an tliar tuh lo ii.
\n7 Farah heh minai sal ii, Tangka zawng tu lai na zawntu sal ii si.
\n8 Thu dikcang lo cimu ciing lesikhaw harsahnaak khawm tuh ii si, Mi na reem thil hnaak khai bo tuh ii.
\n9 Rawl thiam tu lai na rong khiah farah te khan tu ve, Hmuifu ngah tuh ii si.
\n10 Mi hngal hnawn tu ihlai thuhnok bo tuh ii, Hauhnaak le zohsuam dun hnaak khai bo tuh ii.
\n11 Thinlung ciang nai ai awkaa hlum nai te in, Kumpibawi rual kaih ngah tuh ii si.
\n12 Bawipa in thudon reel te hnawn sek ai, Thudik reeltu te him in kiil ii.
\n13 Thazawng khiah inn ah um meenma ii, Sumpua suak le ingkhaw kiosa in I kai tuh ii ti ii.
\n14 Tisazuarnu kaa khiah khur thuuk bang ii, Bawipa thinraw ruaitu te khiah cia khur ah tlok tuh ii.
\n15 Naupang thin song ah huatsuahhnaak um tio ii, Thucuukhnaak rawpeek in ngawn pha deuh in cuuk ben tuh ii.
\n16 Nai hiam maan ai farah reemtu le Minai thil suumtu khiah farah tuh ii.
\nMifiim Te Thufiim Sawmthum
\n17 Na bil I tun tu, mifiim te thu reel hnaak na cuuk ngaang. Cen, I fiimthiamhnak na lungmu ah khawi tu.
\n18 Na lungmu ah khawi lesikhaw na aang tuh ii, Na hmurkaa ah a ciasa in um tuh ii.
\n19 Bawipa ringtu ti na daih ing, Ciamaanin hemi thu te tuunnia ah na cuuk ing.
\n20 Nangmah caa thufiim sawmthum na ngaan sah ing. He thufiim te heh fiimhnaak le khuaruah pha thawn dim ii.
\n21 Cen, he thufiim te in thudik na ling ruai tuh ai, Sii na ruai ngaai khaw a dikniu in sawn thil tuh ii si. Thukhanhmun zung ah khai reem mah.
\n-1-
\n22 Mi farah khiah farah iimaanin a thil sut mah,
\n23 Zaimaanin tifangin Bawipa in amah te khiah phiar tuh ai, Amah te hnawmcantu te nunhnaak khiah hnawm ruai tuh ii.
\n-2-
\n24 Thinraw thai le thincom thai kom mah,
\n25 Zaimaanin tifangin amah te nuncan cuung ngah lesikhaw, Thuul thil tuh nawn lo ii si.
\n-3-
\n26 Mi laiba caa thu lo khaam mah,
\n27 Ruul ben hlahlesikhaw na khuahluan rin na lang sah tuh ii.
\n-4-
\n28 Ning pu le pa te ai bir ciahnaak rii khiah thawn mah.
\n-5-
\n29 Naa phatak ai per thiamtu mi pakhat I hmuh tu Amah khiah mizaraan hnen ah iloin kumpibawi hnenah naa per tuh ii.<\/p>\n
<\/p>\n
Thufiim 23 : 1 – 35
\n-6-
\n23:1 Uktu bawi thawn rong na ai fangin, Na hlaan ah aisu um ii ti phatak in siik tu.
\n2 Rongham ilesikhaw suup tu deuh.
\n3 Rong uuruur na suah cia khiah iir mah, Zaimaanin tifangin na zawlhnaak rong ii thai ii.
\n-7-
\n4 Na nunhnaak hnawmcan tiantian in minai ituh caai mah, Awlcom thiam in fiim tu.
\n5 Zaimaanin tifangin na tangka tu mitkhep lakah paai thai ii. Ko thiat vual ngaaikhaw mupui bangin zuang tuh teu ii.
\n-8-
\n6 Rawlsia te rong ai sah mah, rong uur na do hnaak paamhaih mah.
\n7 Zaimaanin tifangin a thinlung bangin a nundaan khai ii. \u201cDing tu, ai tu,\u201d na ti tuh ii. Ikhalselai a thin tak in na ti hnaak ilo ii.
\n8 Na aih hnaak hmuah awk leh sek tuh ii si, Aan si cia te khai thulovaang ii sek tuh ii.
\n-9-
\n9 Mivoi lin in thu reel mah, Zaimaanin tifangin fiimthu na reel hnaak khiah zohsuam tuh ii.
\n-10-
\n10 Hlaanlaai ai bircia rii thawn mah, Nu le pa nai lo te lo khai sut mah.
\n11 Zaimaanin tifangin, Bawipa heh amah te phiartu ii ai Thukhanhmun zung ah amah te lam phiar in thu reel sah tuh ii.
\n-11-
\n12 Na thu cuuktu te thu phatak in ngaai tu lai, Na zir thai tawp in fiimhnaak zir tu.
\n-12-
\n13 Naupang thu cuuk loin um mah, Rawpeek thawn viit maanin thi tuh lo ii.
\n14 A nunhnaak khiah thihhnaak an o ngah sawn tuh ii si.
\n-13-
\n15 I fapa, fiim lesikhaw I aang roh tuh ii.
\n16 Fiim thu na reel hnaak I zaa fangin thin I nuam roh tuh ii.
\n-14-
\n17 Misual te ot mah, Na nun song Bawipa kihzah in nung tu sawn.
\n18 Ciatih in nung lesikhaw na hmaai vaar ngaai khaw, Na uumhnaak paai tuh lo ii.
\n-15-
\n19 I fapa, ngaai tu, fiim tu, Na nuncan khiah roh ngaai in ngaaisung tu.
\n20 Zu le sa ham te kom mah.
\n21 Zaimaanin tifangin zuham saham te khiah farah tuh ii, Ai le it in na cuu bo ruai lesikhaw, Zaicamlo pah ponher sil tuh ii si.
\n-16-
\n22 Na hingtu na pa thu ngaai tu, Amah um hlah sehlai na po tuh lo ii. Na nu a hausa fangin zohsuam mah.
\n23 Thutak khiah lai tu, zuar mah hang, Fiimhnaak, thucuukhnaak le linhnaak te lai tu lai zuar leh mah hang.
\n24 Mi dikcang ai pa khiah aang roh tuh ii, Fapa fiim naitu a fapa vum ah aanghnaak nai ii.
\n25 Na nu le pa aang ruai tu, Na teetu na nu khiah aang in um tu seh.
\n26 I fapa, na thin tak in I ngaai tu, I nuncan khiah hluun tu.
\n27 Tisazuarnu le nupang phalo heh thihhnaak thang ii.
\n28 Ruko bangin mi lo bawh ai, Mi tampui hnawmcan ai, mi nun kuung lo ah can sek ii.
\n-18-
\n29 Thinpit le khuaruah paai in aisu um de ii? Aisu tha sia de ii? Aisu heh mi thawn hau de ii? Aisu cam de ii? Aisu heh a thu um loin hmaihma an de ii? Aisu ii, mit san riai ai um de?
\n30 Zu ding tio te pawl ii.
\n31 Hai songah san roh le so lianglo ai um hnaak ding fang ai dang songah naal zurzo ai tlum tuh mawi zu khiah siik mah.
\n32 A tawphnaak ah tu ruun ai ruul bangin mi cik ii.
\n33 Mit na am ruai ai thil phuncang hmu ii si. Phatak in khuaruat ben tuh lo ai, A fian niu in pong thil tuh lo ii si.
\n34 Cia fangin khuahu ai sep hnaak khawm pui song ai ittu bang in, Khat lam khat lam ah na leu tuh ii.
\n35 \u201cI viit khalselai uur lo ii, I seu khalselai ling lo ing, Ikhalselai zaikhai linglo ing, Zaimaanin I phawk lo ii? Zu I duh bang laai,\u201d ti tuh ii si.<\/p>\n
Thufiim 24 : 1-34
\n-19-
\n24:1 Mi phalo te ot mah; Amah te thawn kom duun mah ih.
\n2 Ani te tu mi hnawmcan tuh thu ianian ruat ii, Mi hnawmcan hnaak tuh thu leek reel ii.
\n-20-
\n3 Inn khiah fiimhnaak in sa ai, Lingthilhnaak in kho ruai ii.
\n4 Inn khan zongzong khiah lingthilhnaak in, A songlawi le a mawi thilri thawn dim ii.
\n-21-
\n5 Tha haat tah in fiim pha sawn ii. Haat tah in lingthilhnaak thupui sawn ii.
\n6 Raal tawng hlaan ah raalring roh in pai tu cia, Mi hnen an khuaruah pha tam ngah lesikhaw raal neh tuh ii si.
\n-22-
\n7 Fiimhnaak heh mivoi caa ah saang ze ai ling thil lo ii, Thil thupui reel fangin zaikhai reel tuh nai lo ii.
\n-23-
\n8 Thil phalo bawn tuh ianian reeltu khiah, A hming ah, \u201cHarsahnaak Bawntu,\u201d ti ii.
\n9 Mivoi bawntumhnaak caangcaang heh sualhnaak ii, Mi zohsuamthai tu khiah mi zongzong in cim ii.
\n-24-
\n10 Harsa niakhua ah thin hnawm baai lesikhaw, Zaitlaaklo taktak ii si.
\n-25-
\n11 Reh tuh ai duuk hmu lesikhaw, a rang in o tu.
\n12 Kai per tuh ii lo ii tiin um meenma mah, Zaimaanin tifangin Pathian in na thu khiah ling ai na bawn tumhnaak khiah cuul tio ii. Na bawnhnaak bangin na ruul tuh ii.
\n-26-
\n13 I fapa, khoiti ai tu, pha ii; A hnaar an tlok hnaak khoiti hlum bangin,
\n14 Fiimhnaak heh na nunhnaak caa thil pha ii, Fiimhnaak nai lesikhaw na hmaa vaar tuh ii, Na uumhnaak paai tuh lo ii.
\n-27-
\n15 Mi pha pa bawh ai a inn bal tumtu, Mi phalo bangin nung mah.
\n16 Zaimaanin tifangin, mi dikcang tu vai sarih sawn khal sehlai tho leh tuh ii. Ikhalselai mi phalo tu bawng siathnaak in hnawm tuh ii.
\n-28-
\n17 Na raal bawngsiahnaak tawk fangin aang mah, A bah fangin iim mah.
\n18 Aang lesikhaw Bawipa in na hmu ngaai khaw aang tuh lo ii. Ciatih fangin cawh loin um mah ngaai.
\n-29-
\n19 Mi phalo te maan in thin nuam loin um mah, Mi phalo te ot mah.
\n20 Zaimaanin tifangin mi phalo tein uumpha zaikhai nai lo ii, Mi phalo te maivaar tu dit tuh ii.
\n-30-
\n21 I fapa, Bawipa le kumpibawi khiah zuul tu, A tawngtu te khiah kom mah.
\n22 Zaimaanin tifangin amah te kongcung ah harsahnaak hleng vut tuh ii, Cen, Bawipa le kumpibawi hnen an zaibang hnawmhnaak hleng tuh ii ti aisu in ling ii?
\nThufiim Samdang Te
\n23 Hete khai mifiim te reel hnaak thu ii. Thu khan fang ai mi phiar hnaak nai heh pha lo ii.
\n24 Mi phalo khiah mi pha ii titu thukhantu bawi khiah Mi in awrsiat tuh ai, mihin caang in cim tuh ii.
\n25 Ikhalselai misual cawhtu khiah hon khangso tuh ai, Mi zuulhnaak co tuh ii.
\n26 Thupeu ai sawn hnaak khiah rualpui takngaai ihnaak laar ruaitu ii.
\n27 Lo le ram phatak ai na nai hnua ah le, Pumcawmhnaak tuh na ham kho hnua ian ah inn sa tu.
\n28 Thula ling ciang loin mi mawh hluuk mah. Mi ai lingkhelh tuh hnaak in thu reel mah.
\n29 I kongcung ai a bawn bangin a kongcung ah bawn tuh ve ing, A bawn bangin ruul tuh ing tiin ti mah.
\n30 Mivoi thazawngpa lo le cabit vuan ah vaak ing.
\n31 Siik tu! Hling dim ai laipua khiah hampa in khuk sek ii. Cen a reen hnaak khan khai min sek ii.
\n32 Phatak in siik ai khua I ruat fangin, He bangin fiim zirhhnaak ngah ing.
\n33 Camkhat niu zau rih ngaang, camkhat niu it rih ngaang, Camkhat niu com rih ngaang na ti tengah,
\n34 Farahhnaak khiah ruko bang le damiah bangin hleng tuh ii.
\nThufiim 25 : 1 – 28
\nSolomon Thufiim Samdang Te
\n25:1 A hnialam ai te khai Solomon thufiim ii ai, Judah kumpibawi Hezekiah mihing te ai ngaan siin hnaak ii.
\n2 Pathian a songlawihnaak heh a thil thup hnaak ii. Ikhalselai kumpibawi te songlawihnaak tu a thil phuanghnak ii.
\n3 Kumpibawi in zai ngaaisung ti khiah ling thil lo ii sing, A saang roh vaan le a thuuk roh tipuithuanthum bangin ling baan lo ii sing.
\n4 Nguun khiah a eek ciang ruai tulai, pumsu in thil mawi roh ah bawn tuh ii.
\n5 Kumpibawi hnenai thu phalo petu khiah hnawn tu teu ihlai, A ukhnaak khiah dikcanghnaak thawn kho ruai tuh ii.
\n6 Kumpibawi hmaai ah upa hiam mah, Upa te dinhmun ah khai ding mah.
\n7 Zaimaanin tifangin mi ai tohhmun pha na pe heh, Tohhmun pial ruai tah in pha sawn ii.
\n8 Thil na hmu hnaak khiah rang ze in thukhantu zung ah reel mah, Zaimanin tifangin tetti sam pakhat in na thulinhnaak diklo ii ti ben sehlai zai bawn nga si?
\n9 Na innhneen thawn ning khuaruah bang thil hlah lekhaw ningmah niu in rem tu ih, ning thuthup khiah phuang mah ih.
\n10 Phuang lesikhaw mi te in thu thup thai lo na ling tuh ai, Na zakthi bo tuh nawn lo ii.
\n11 A cuu le a caang teng niu ai pong hnaak ponkam heh, Na hleeng songai sui thingthai bang ii.
\n12 Mifiim roh ai reel hnaak thucuukhnaak khiah a ngaaitu caa, Sui zungruat le sui hlawnthil bang ii.
\n13 Nalaang nunkuung khiah a hlattu caa thin dap ruaitu ii, Rong khawm cuu ni sa teng ai rialti bang ii.
\n14 Thil pe tuh tiam napui ai a pe nuam lotu heh, Ruah umlo mairo le ti paai lo hlivua bang ii.
\n15 Thinfual ai mi uktu bawi rin zawl thilh ii, Awkaa neem in thin kuruh rin neem ruai thil ii.
\n16 A kuulzah tah in tam sawn khoiti ai mah, Tam ze ai lesikhaw na awk tuh ii.
\n17 Na innhnen leeng tam ze mah, Leeng tam ze lesikhaw na rim ngaai khaw na cim tuh ii.
\n18 A ilopui mi mawhhluuk heh, Mi reek thai tumbel, vaangfiim le cankiang bang ii.
\n19 Harsa teng ai ringtlaaklo ring khiah, Kam hliin thawn rong kial le kawngbaai thawn bang duun ii.
\n20 Thasia thinhar hnen ai laa sa heh, Khuasik cuu ai pon hawk sek le, Hmaihma ai ci phulh thawn bang ii.
\n21 Na raal riikaam lekhaw aihtuh rong pe tu, Ti haal lekhaw dintuh ti pe tu.
\n22 Ciatih in bawn lesikhaw, a siip ah mailing dah sah ii tuh ii si, Bawipa in perman na pe tuh ii.
\n23 Saklam hlivua in ruah koih bangin, Mi reelsia hnaak in thinrawhnaak suak ruai ii.
\n24 A cam tio nupui thawn innpui song um kawm tah in, Innphu ningnawi ai um pha sawn ii.
\n25 Ram hlapui an thuthang pha zaa khiah, Dangro tihaal teng ai tidap ding thawn bang ii.
\n26 Mi dikcang in mi phalo pa khiah neh ruai lekhaw, Thihsii rawi hnaak namkum, ihlahle, cirhti riim bang ii.
\n27 Khoiti tam ze ai heh pha lo ii. Cia bangpah in mi aanhnaak tam ze ngah khai pha lo ii.
\n28 Mah thinraw suup ben lotu khiah, Khua reen hnaak vingpui min ai hnawm hnaak bang ii, Raal te baainiu in tlum tuh ii.<\/p>\n
Thufiim 26 : 1 \u2013 28
\n26:1 Khuakhaal cuu ai vur tlok, rongkhawm cuu ai ruah sii bangin, Thangphat zuulhnaak heh mivoi caa tu remcaang lo ii.
\n2 Suullam nailo ai mi awrsiat hnaak heh, Kawlva le paipi zuang bang, umhmun nai lo ii.
\n3 Rawpeek khiah saai viit hnaak ii; kakharh khiah laak kaa kharh hnaak ii, Mivoi khiah rawpeek thawn viit na kuul ii.
\n4 Mivoi khiah mivoi bangin pon mah, Na pon cia bangin pon ve lesikhaw, amah thawn camra tuh ii si.
\n5 Mivoi khiah amah thawn caaduun in pon tu, Ciatih in ti hlah lesikhaw I fiim ii tiin ruat duun mawh ngaai.
\n6 Mivoi khiah nalaang tuh ai hlattu khiah mah le mah ke tan duun bang ii; harsa tawk tuh ii.
\n7 Thufiim khiah mivoi te kaa ah tu, A khaai liatluat kawngbaai ke bang ii; Zaikhai hnempuihnaak nai lo ii.
\n8 Mivoi zuul khiah, Saili ah saihual peen ngio bang ii. Hnempuihnaak nai lo ii.
\n9 Mivoi ai mifiim thusaanteh hmang khiah, Zukhampa hlingkuang thawn mi riit tum thawn bang ii.
\n10 Naper petu in mi vaak, zukham le mivoi tawk hnaak hmuah naper pe lekhaw, Misam te hmuah thin uur ruai tuh ii.
\n11 A voi hnaak bawn nottu mivoi khiah, Mah awk aitu uico bang ii.
\n12 Mah le mah I fiim ti ai ruat duuntu tah in, Mivoi ber caa uumpha um sawn ii.
\n13 Zaimaanin thazawngpa sumpua suak hiam lo ii? Zai ber lau ii? Kiosa te lau iim?
\n14 Thazawngpa tu kopza vum ah dawngkhaam mer beetbo bangin, A khuahluan ah mer li meenma ii.
\n15 Mi haatlam tu tha zawng ze maanin, Kaa song ai rong thun rin nuam lo ii.
\n16 Mi thazawngpa in tu, khelh thai tuh lo ai mi sawn thiamtu mifiim pasarih tah in, Amah veve uar duun hnaak ah tu fiim sawn ii.
\n17 Mah thawn paaipawh lo hnaak hauhnaak ai lo teltu khiah, Lamlak ai tawk hnaak uico bil rin sah thawn bang ii.
\n18-19 Mi zawl ai, \u201cNa sal meenma ing,\u201d titu khiah mi thiruaithai li le thal thawn saltu mi-am thawn bang ii.
\n20 Zaanthing um hlah lekhaw mai dit ii, Thupruuk ai mi reeltu um hlahlekhaw hauhnaak dap ii.
\n21 Maihol in mai ling ruai ai, Thing in mai ko ruai bangin, Mi tawng hiam tein hauhnaak suak ruai de ii.
\n22 A thup ai mi siattu ponkam khiah rong uur bang ii, Pum song tian tlum ngerngo ii.
\n23 Awkaa hlum dengdo ai thin phalo te khiah, Naal roh ai maathnaak laibeel bang ii.
\n24 Mi cimtu in awka pha in mi pon de ii, Ikhalselai a thinlung tu mi zawl tuh in dim ii.
\n25 Mi ninghio roh bang ai pongtu khiah sang mah. Zaimaanin tifangin a thinlung tu ningdulkuul thil thawn dim ii.
\n26 A mi cimhnaak tu thup bawn napui ngaai khaw, A thilphalo bawn hnaak tu zapui in hmu tuh pah ii.
\n27 Mi tlok tuh ai humkua cotu khiah ciata amah tlok tuh ii. Mi net tuh ai lungto ciintu khiah cia lungto in amah ciin tuh ii.
\n28 Thudon reeltu lai in thudik cim ii, Mi zawlthai kaa in hnawmhnaak suak ruai de ii.<\/p>\n
Thufiim 27 : 1 \u2013 27
\n27:1 Thanghla thu ah tluangkhawng mah, Cia nia in zai na koihsah ngaai ti linglo ii si.
\n2 Zaikom inkhai nangmah veve lawm duun mah, Misam ihlahle, mikhual in na lawm tu sawn seh.
\n3 Lungto le siatnawi te rit daan heh, Voi thu maan ai tawk hnaak harsahnaak thawn saanteh fangin, Zaikhai ilo ii.
\n4 Thinraw heh liansia rohin mi hnawmcan thai ii, Ikhalselai irsiikhnaak thawn saanteh fangin zaikhai ilo ii.
\n5 Zaikhai I nam lo ii ti ai na ruat tuh tah in, Mi pakhat khiah hmaaicaang ai a mawhhnaak rem sah khiah pha sawn ii.
\n6 Rualpui pha in thin na uur ruai khalsehlai na pha tuh daih ii, Ikhalselai na raal in na kuah lekhaw raalring tu.
\n7 Rong na kham fangin khoiti rin duh tuh lo ii si, Rii na kaam tengah tu rong kha roh rin hlum ii ti tuh ii si.
\n8 Mah iinsaang an vaaivaaktu khiah, A buu ai um lo vaaniu bang ii.
\n9 Rimhmui le sathau in thin na nuam ruai napuikhaw, Thin harhnaak in na lungngamhnaak hnawm ruai sek de ii.
\n10 Na rual pha ii seh, na nu le pa ai rual pha te ii seh hai mah; Harsa tawk fangin na nau reel mah; Hlaa pui ai um na unau tah in, na nong ai um na innhneen in na bawm ben sawn ii.
\n11 I fapa, fiimniu in um tu lai I aang tuh ii, I sawitu te sawn ben tuh ing.
\n12 Mi fiimhlio te in tu harsahnaak hleng hmu ai pial ben napuikhaw, Zai ruat cel lo te tu, harsahnaak khiah vun ai sir leh de ii.
\n13 Lin awng lo hnaak pa laiba caa thu khaam ngamtu heh, A naih hnaak thil khiah thukhaam hnaak in laang sah tuh ii.
\n14 Khua hnua tian mitmu tu na rual pha aw cawm in pon lesikhaw, Amah awrsiat thawn bang ii.
\n15 A cam thai nupui khiah, Niakhua hnawm ai ruahti far betbo thawn bang ii.
\n16 Ciami nu tu kontih in dapniu in um ruai thil tuh ii si? Hlivua kham thil aw sim? Ihlahle, na kutzaphak in thau huam thil aw sim?
\n17 Thiir le thiir taat duun bangin, Mihing khai khat le khat hnen an fiimhnaak zir ii.
\n18 Thaikuang khiah phatak in dawl lesikhaw thai aihtuh nai tuh ii si, A bawipa siikthiamtu omhlawh in zuulhnaak ngah tuh ii.
\n19 Ti song ai na hmel na hmu bangin, Na ihnaak khai na thin songah hmu ve ii si.
\n20 Mihing daihhnaak le hiamhnaak heh mithi khua bang ii, Hiamhnaak khiah bo nia um lo ii.
\n21 Sui le nguun khiah mai in cuul thil ii, Mihing ziaza khai nunnuamhnaak in cuul thilh ii.
\n22 Mivoi khiah thi dawn in viit khal silai, A voi khiah viit sah sek thil tuh lo ii si.
\n23 Na tuu rual khiah phatak in dawl tu lai, Na kawlpaw rual khiah raalring thai tawp in siik tu.
\n24 Zaimaanin tifangin naihhnaak heh kumzaangza in kho lo ii; Kumpibawi lukhuk rin kumzaangza rai ve lo ii.
\n25 Lo pangkhaai ah rong kuang te na fom ben kiak na rawt laai ah rong kuang sam po ii.
\n26 Na tuuhmul thawn pon tak thil ii si, Na me haatlam zuarh manin loram lai thai ii si.
\n27 A vaal lai hnaak me te in na innsaang le, Na nupang-omhlawh te din tuh hnawi na pe tuh ii.<\/p>\n
Thufiim 28 : 1 \u2013 28
\n28:1 Mi phalo tu aisu hnawn lo hnaak in tlaan ii, Ikhalselai midik mifel tu kiosa bangin raalpha ii.
\n2 Rampui pakhat sual fangin uktu pakhat hnua pakhat thuul zianzo ii, Ikhalselai rampui pakhat in mifiim le khuaruat thiam hoitu nai lekhaw, cia ram khiah cak ai raipui kho ii.
\n3 Farah te reem ai harsahnaak petu ram uktu heh, Lo rong hnawm ruaitu ruah saarha thawn bang ii.
\n4 Daan zainam lo in um lesikhaw mi phalo phiar ii si, Ikhalselai daan hluun lesikhaw, mi phalo tawngtu ii si.
\n5 Misual te in thudik heh zaibang ii ti ling lo ii, Ikhalselai Pathian biatu te in a fian in ling ii.
\n6 Dikcang lo pui ai minai ii tah in, Dikcang ngaai ai farah pha sawn ii.
\n7 Daan hluuntu tlangvaal heh mifiim ii, Rong-aak komtu in a pa hmaai riim ruaitu ii.
\n8 Mi hnen an tangka puu le miat lang ai na lian ilekhaw, Na naih hnaak khiah mi farah te ninghiotu hnen ah hleng leh tuh ii
\n9 Daan hluun hlah lesikhaw na sawngeen hnaak khiah Pathian thinraw ruaitu sawn ii.
\n10 Mikuung pakhat nun sual tuh in zawl lesikhaw, Nangmah veve cia sualhnaak ah tawi duun tuh ii si. Zai mawhhnaak khai nai lo tu in laksawng pha ngah tu ii.
\n11 Minai te in amah te veve mifiim roh in ngaaisung de ii, ikhalselai mi thin lingtu farah pakhat khiah fiim sawn ii.
\n12 Mi pha pakhat khiah uktu bawi cang fangin mi zongzong aang ii, Ikhalselai mi phalo te mi uktu cang fangin mi zapui te relh sek ii.
\n13 Na sualhnaak thup caai lesikhaw, na nun song zaikhai bawn pet tuh awng lo ii si, Na sualhnaak phuangtu lai lon tu, Ciafangin Pathian in ning na hio ngaai.
\n14 Pathian khiah kihzah tu tio lai thin na nuam ngaai, Na thin kuruh lekhaw na nunhnaak hnawm tuh ii.
\n15 Mi-uk phalo te kut hnia ah farah te in phiartu nai lo ii, Ciabang mi uktu tu, kiosa huuk, le vom vaak te bang in laukuul ii.
\n16 Khuaruah nai cel lo mi uktu khiah mi phalo mi siakha ii. Diklohnaak cimtu in raipui tian ram uk tuh ii.
\n17 Laai reektu heh amah hlaankua rang roh ai cotu ii. Kham tuh hnaak ilo ii.
\n18 Tluangtlam tu lai na him tuh ii. Na khuaruah tluang hlahlekhaw rinlopui in khurkua ah na tlok tuh ii.
\n19 Lo vaai kol te in aihpha tampui nai ii. Tikcuu lovaang ai bo ruaitu khiah farah tio tuh ii.
\n20 Mi dikcang le mi kuung in nuam le khimliang nunhnaak nai ii Ikhalselai rang ze ai nai na hiam lekhaw na cawh tuh ii.
\n21 Mi thia nai heh pha lo ii, Ikhalselai mi haatlam in tu nawhthuh tlawmniu daih maanin thu reel khelh de ii.
\n22 Pamhap tein a rang ai nai hiam ze maanin, Farahhnaak kin hleng dawn ii hang ti ling duun lo ii.
\n23 Mi pakhat khelhhnaak rem sah tu lai, A hnualam fangin na zawl hlelhlo tah in aang tuh sawn ii.
\n24 Nu le pa thil ru khiah khelh lo ii ti ai ngaaisung tu khiah ruko thawn dang duun lo ii.
\n25 Pamhaphnaak in harsahnaak leek suak ruai ii, Pathian ring tu lai na hnem sawn ngaai.
\n26 Mah khuaruah leek ring heh voi thu ii, Na tah ai fiim sawn te cuukhnaak hluun tu lai na him tuh ii.
\n27 Farah te thil suum tu lai, zaikom in khai na sam tuh lo ii, Farah te zaangtaak lesikhaw mi tampui in awr na siat tuh ii.
\n28 Mi phalo te bawi cang fangin zapui te relh sek ii, Ikhalselai mi phalo te nau fangin midikcang le mikuung te in ram uk leh tuh ii.<\/p>\n
Thufiim 29 : 1 \u2013 27
\n29:1 Na nuncan na tiam caang in thin na lian lekhaw, Ni khatkhat ah tho leh thil nawn loin na hnawm tuh dah ii.
\n2 Uktu pha fangin ram song te nun nuam ii, Ikhalselai uktu phalo fangin ram mi te rimsu ii.
\n3 Fiimhnaak daihtu fapa in a pa aang ruai ii, Tisazuarnu hnen ai tangka hmang sektu khiah mivoi ii.
\n4 Kumpibawi in dikcang niu in ram uk lekhaw, a ram kho ii, Ikhalselai sum le saw ian ruat lekhaw, a ukram hnawm sek tuh ii.
\n5 Na rualpui te aan hlaihlawr lesikhaw, Amah te caa thang tawi hnaak thawn bang ii.
\n6 Midik mikuung te aang ai haaihawh nuam tengah, Mi phalo te tu amah te mawhhnaak thang ah awk ii.
\n7 Mi pha in farah te ai a ihnaak lin sah ii, Ikhalselai mi phalo te in tu, ciabang lin sah thil lo ii.
\n8 Mi zainam lotu in khuapui hnok ruai ii, Mifiim te in thuhnok dap ruai ii.
\n9 Mifiim in mivoi zunghlenpui fangin, Mivoi pa in hnihsan ai rohpui in awrsiat ii
\n10 Mi thisan suah tuh zai poi lotu in, Midik, mipha caangcaang cim ii; Ikhalselai mi kuungpa in tu, midik nunhnaak hup sah ii.
\n11 Mivoi te in tu thinrawhnaak khiah laar ruai vual ii, Ikhalselai khuaruah nai te in tu, thinfual in suup ii.
\n12 Ram uktu in thudiklo thuthang sang lekhaw, a naper upa zongzong khiah thudon reel ii tuh ii.
\n13 Farah ii seh, farah reemtu ii seh, Bang veve ai a naihhnaak um ii, Pathian in khua hmuhnaak mit pe veve ii.
\n14 Kumpibawi in farah te ngah tuh hnaak lo phiar bawm lekhaw, Raipui tian ram uk tuh ii.
\n15 Naupang nuncan remsah le thu cuuk heh a pha ii, Mah daihdaih ai nungtu naupang khiah a nu zakthi ruaitu ii.
\n16 Mi phalo te bawi cang fangin sualhnaak pungzaai ii, Ikhalselai cia mi phalo te nau tete khiah mipha te\u2019n hmu tuh ii.
\n17 Na fapa khiah daan pha hluun tuh cuuk tu lai, Amah maanin na hmaai na pha tuh tio ii. Ani tu zaikom inkhai, na zakthihpha bawn tuh lo ii.
\n18 Pathian konghoihnaak um lo fangin, Mi zapui heh vaai sek ii. Pathian daan hluuntu heh mi hmuifu ii.
\n19 Omhlawh pakhat khiah kaa in reel meenma lesikhaw, a nuncan rem thil tuh lo ii, Na reel hiam hnaak ling tuh napui ai, sang tuh hluan lo ii.
\n20 Khua ruat hmasa lo ai pongtu pa tah in, Ruat leplo ai pongtu mivoipa caa uumpha tam sawn ii.
\n21 Na omhlawhpa daihhnaak hmuah a seenlaai pah pe tio lesikhaw, Ni nikhat ah na naih hmuah na lang sah sio leh tuh ii.
\n22 Thinbahlak te in tu, hauhnaak le thuhnok tampui suak ruai ii.
\n23 Puar le hngalhnaak in hnawmhnaak ah na hlengpui tuh ii, Ikhalselai hniatacuh niu in um lesikhaw mi zuulhnaak ngah tuh ii si.
\n24 Ruko phiarpui khiah amah lala caa laukul raal ii, Thukhanhmun zungah thudik reel lekhaw cawhkuan tuar tuh ii, thudik reel hlah lekhaw Pathian in awrsiat tuh ii.
\n25 Misam te ai na hmu daan poi ruai ze khiah laukuul ii, Ikhalselai Pathian ring lesikhaw lau tuh um lo ii.
\n26 Mi zongzong in amah te uktu bawi mithmaai pha ngah hiam teen ii, Ikhalselai Pathian hnen ian an a cang ai thukhanhnaak ngah tuh ii si.
\n27 Mipha, mikuung in miphalo cim ai, Miphalo in mipha mikuung cim ve ii.<\/p>\n
Thufiim 30 : 1 \u2013 33
\nAgur Pong Hnaak
\n30:1 Hete heh Jakeh fapa Agur pong hnaak ii: \u201cAw Pathian, thin I cawl ii, I thazaang khai cawl sek ii hang. Zaikhai bawn ben nawn lo ing.
\n2 Kai tu ramsa bang ii hang ing, mihing bang ii lo hang ing. Mihing thinlung khai nai nawn lo ing.
\n3 Fiimthiamhnaak khai zir awng lo ing, Pathian thu zaikhai ling awng lo ing.
\n4 Vaancung thula ling sektu aisu um ii? Aisu in hlivua pom thil ii? Ihlahle ponher thawn ti fuun thiam aisu um ii? Ihlahle aisu in lai le vaan rii khan thil ii? Ciami pa aisu ii? Ling aw sim? A fapa tang aisu ii?
\n5 \u201cPathian ponkam caang in dik ii; Amah khiah khaakber siitu caa raalphaw ii.
\n6 Pathian ponkam lo beet mah, Na hau ngaai khaw na thudon hnaak laang ruai tuh ii.\u201d
\nThufiim Samdang Te
\n7 \u201cAw Pathian, na hnen an thil pahnih na ngeen ing, I thih hlaan ah I co ruai tu:
\n8 Thudontu ii tuh loin I kiil tu; Farah ze le lian ze in khai I bawn mah lai, I kham tuakteng leek rong I pe tu hraam.\u201d
\n9 Thil tampui nai le ingkhaw \u2018Bawipa I kuul lo ii,\u2019 ti khelh mah ngaang, I farah ze lekhaw ruu ko ngaang khaw, I Pathian hming thangsia ruai sual mah ngaang.
\n10 Zaikom in khai omhlawh khiah a bawipa hmaai ah sawi mah, Sawi lesikhaw omhlawhpa in awr na siat ngaai khaw zak na thi tuh ii.
\n11 Pa te awr siat ai, Nu le pa thin khing lotu um ii.
\n12 Riim roh napui ai mah veve I cianghlim roh ii ti ai ruat duuntu um ii.
\n13 Mi pha roh ing ti ai ruat duuntu um ii, amah te veve mi phaber in ruat duun ii!
\n14 Farah le nun har te kongcung ah liansia ai nungtu um ii, Ciatih in pum cawm duun ii.
\n15 Vot in fanu pahnih nai ai, a hming tu \u201cI pe tu\u201d ti veve ii. Kham ti nia nai lo thil pathum um ii, \u201cTuak zo hang\u201d ti awng lotu thil pali um ii:
\n16 Ciate tu, mithi khua, fanailo nu cing, Ruahti haal roh laipua ro le, hmit thilh lo maiko te ii.
\n17 Aisu khai a pa hnihsa ai reeltu le, A nu hausa fang ai zohsuamtu khiah, Langtar in a sa ai tuh ai, lang-aak in a mit kuat tuh ii.
\n18 Kai caa ngaihtampha thu thuuk pathum um ii; I ling thil lo hnaak thil pali um ii:
\n19 Vaan hlivua lak ai zuang mupui ai a lamkhung, Lung vum ai vaak ruul lamkhung, Tipui vum ai feh khawm pui lamkhung le, Nupang le pasal tlaak duun hnaak lamkhung te ii.
\n20 Nupui nun kuunglo mer daan tu hetih ii: Pasal sam thawn sual ai takhlu ben hnua ah \u201cZai sualhnaak khai bawn lo ing,\u201d ti ii.
\n21 Laipua ai a hlawngpui hnaak thil pathum um ii, Laipua ai ong ben lo hnaak thil pali um ii:
\n22 Kumpibawi hon cangtu sal, Rong duhduh aihtuh nai mivoi.
\n23 Mitkamkuul napui ai pasal nai ben thotho nupang le a bawinu umhmun suttu omhlawhnu te ii hang.
\n24 A ciik roh napui a fiim roh ramsa pali laivum ah um ii:
\n25 Ciami te tu: tha haat lo napui ai Khaal ah rong khawl ciatu sirsing;
\n26 Haat napui lo ai khu lak ai kua bawntu samaingaan.
\n27 Kumpibawi nai napui lo ai, A rualrual ai thawntu khokhuak,
\n28 Na kut inkhai huam thil ai, Kumpibawi inn song ah khai na hmu thil hnaak dildiit te ii.
\n29 A vaak teng ai hmuh nuam thil pathum um ii;
\n30 Cia te tu ramsa lak ai a haat ber le zai khai kih lo kiosa.
\n31 Mecang, arcang puar le a kuthnia te hmaai ai vaak hngualhngo tu kumpibawi te ii.
\n32 Voi thu maan in na puar ai, Thil phalo bawn tum lesikhaw, Com tu lai, ngaaisung tu rih.
\n33 Hnawi cawk dekdo lesikhaw thawphaat ngah ii si, Mi pakhat ai hnaar viit sah lesikhaw thii suak ii. Na thin so ruai lesikhaw thu hnok harsa tawk ii si.<\/p>\n
Thufiim 31 : 1 \u2013 31
\nKumpibawi Hnenai Khuahruah Pha Pe Hnaak
\n31:1 Hete heh kumpibawi Lemuel hnen ah a nu ai cah hnaak thufiim ii.
\n2 \u201cNang heh I iit ze hnaak I fapa, I sawngeen hnaak maan ai ngah hnaak fapa ii si. Zai thu ber na reel ngaang?
\n3 Tisa hiamhnaak lamah na thazaang hmuah hmang sek mah, Na sum le saw hmuah khai nupang kongcung ah hmang sek mah; Cia te in kumpibawi tampui hnawmcan ii.
\n4 I ngaai tu, Lemuel. Kumibawi te khiah zu ding tuh hnaak ilo ii, Zu ding hiamhnaak nai tuh hnaak khai ilo ii.
\n5 Zaimaanin tifangin zu ding fangin daan khiah hai ai, Mi nun har te ngah tuh vo khai ling nawn lo ii.
\n6 Zu heh mi thi dawn te le thin nuam lo khuaruah har te caa ii.
\n7 Ciabang te in ding tu seh lai thin nuamlohnaak le farahhnaak hai tu seh.
\n8 \u201cMahte thu ai reel thiam lo te caa reel sah tu, Bawmtu nai lo te ngah tuh vo khiah khawi sah tu.
\n9 Amah te caa reel sah tu lai, thukhantu dik ii tu hraam. Farah le nun har te ngah tuh vo khawi sah tu.\u201d
\nNupui Pha
\n10 Nupui pha ngah tuh heh zaibang in har pa! Rubi lungvaar mankhung tah in man nai sawn ii!
\n11 A pasal in ring roh ai, A pasal tu zaikom inkhai rimsu tuh lo ii.
\n12 A nun song hmuah a pasal kongcung ah thil pha bawn tio ai Hnawmhnaak bawn awng lo ii.
\n13 Um meenma nai lo in tuuhmul le voding pon tak de ii.
\n14 Sum le saw bawn te khawm pui bangin, Ram hlaapui an a innsaang caa rong phur de ii.
\n15 A innkua caa rong pai tuh in le, A omhlawh te naper sem tuh in, ziingkhuan in tho de ii.
\n16 Loram sii ai lai ii, a hlawh hnaak sumsaw in cabit vuan lai ii.
\n17 Naper zuam roh ii, Haat ai tha kol fawn ii.
\n18 A thil bawn hnaak zongzong man naih daan ling ai, Zaan hnuapui tian innsaang naa per ii.
\n19 Amah thu in vo zuuk ai a kongvon khai tak ii.
\n20 Farah le nun har te kongcung ah rawl thiam ii.
\n21 A innkuaza in kor lum nai teen ai, Khuasik cuu hleng inkhai zaipoi lo ii.
\n22 Hniaphah khuk tak khaw, sandup mawi roh ai tak hnaak thawn khuk ii.
\n23 A pasal heh khua songah mi zapui lin hnaak mi hoitu ii.
\n24 Kongvon le taaipeen te bawn ai sum bawn te zuarh ii.
\n25 A tha haat ai mi in zuul ai hmaailam caa thin cawlpha nai lo ii.
\n26 Fiim niu le neem ngaai in pong de ii.
\n27 Um meenma loin a innsaang kuul hnaak per tio ii.
\n28 A faa te in thangphat ai a pasal inkhai aan roh ii.
\n29 A pasal in, \u201cNupang tampui heh nupui pha ii teen napui, Nang heh a tumce in na pha ii,\u201d ti ii.
\n30 Aai nai heh mi zawl thai ii; mawihnaak khai ria thai leh ii, Ikhalselai Bawipa kihzahtu nupang tu lawm le aan tlaak ii.
\n31 A bawn hnaak thil zongzong maan in amah khiah thangphat tu ih, Mi zongzong ai zuul tlaak nupang ii.<\/p>\n
<\/p>\n
<\/p>\n
<\/p>\n","protected":false},"excerpt":{"rendered":"
Thufiim 21 : 1 \u2013 31 21:1 Kumpibawi thinlung heh Bawipa kut songah um ii,…<\/p>\n","protected":false},"author":9,"featured_media":0,"parent":11337,"menu_order":3,"comment_status":"open","ping_status":"open","template":"template-full-width.php","meta":{"jetpack_post_was_ever_published":false,"footnotes":""},"class_list":["post-11473","page","type-page","status-publish","hentry"],"jetpack_sharing_enabled":true,"jetpack_shortlink":"https:\/\/wp.me\/P6ZUDz-2Z3","jetpack-related-posts":[],"_links":{"self":[{"href":"https:\/\/www.zanniat.info\/index.php?rest_route=\/wp\/v2\/pages\/11473","targetHints":{"allow":["GET"]}}],"collection":[{"href":"https:\/\/www.zanniat.info\/index.php?rest_route=\/wp\/v2\/pages"}],"about":[{"href":"https:\/\/www.zanniat.info\/index.php?rest_route=\/wp\/v2\/types\/page"}],"author":[{"embeddable":true,"href":"https:\/\/www.zanniat.info\/index.php?rest_route=\/wp\/v2\/users\/9"}],"replies":[{"embeddable":true,"href":"https:\/\/www.zanniat.info\/index.php?rest_route=%2Fwp%2Fv2%2Fcomments&post=11473"}],"version-history":[{"count":1,"href":"https:\/\/www.zanniat.info\/index.php?rest_route=\/wp\/v2\/pages\/11473\/revisions"}],"predecessor-version":[{"id":11474,"href":"https:\/\/www.zanniat.info\/index.php?rest_route=\/wp\/v2\/pages\/11473\/revisions\/11474"}],"up":[{"embeddable":true,"href":"https:\/\/www.zanniat.info\/index.php?rest_route=\/wp\/v2\/pages\/11337"}],"wp:attachment":[{"href":"https:\/\/www.zanniat.info\/index.php?rest_route=%2Fwp%2Fv2%2Fmedia&parent=11473"}],"curies":[{"name":"wp","href":"https:\/\/api.w.org\/{rel}","templated":true}]}}