Kawlram 2020 Election hlan ah Union Peace Conference umh tuh

Kawlram 2020 Election hlan ah Union Peace Conference umh tuh

Union Peace Conference (UPC) heh san thar 21st Century Panglong Conference tiin ko de ii. 2015-2020 kum NLD acozah song ah Kawlram cozah le tlangvum miphun karlak remhnak thu relkawmhnak vel li (4th) hnak i tuh ai, August 19-21, 2020 nia ah umh tuh ii.

2016 kum ai Union Peace Conference hih hlenhnak zuk

 
2020 kum bo hlan ah bawn tuh hnak UPC ah NCA (Nationwide Ceasefire Agreement) ai tel pawlkom veksen le ralthuam hmang pawlkom EAOs (Ethinic Armed Organizations) te ko tuh ii. Kawlram cozah in NCA ah lut lo ralthuam hmang pawlkom pasarih (7) te khai ko tuh ai, pawlkom in palai pahnih (2) tel siang tuh thu Kawlram cozah lam in thuphuangtu U Zaw Htay in phuang ii.
 
NCA ai tel lo UPC meeting ah tel tuh pawlkom te tu:
1) United Wa State Army (UWSA)
2) Kachin Independence Army (KIA)
3) Karenni National Progressive Party (KNPP)
4) Shan State Progress Party/Shan State Army (SSPP/SSA)
5) Ta’ang National Liberation Army (TNLA)
6) National Democratic Alliance Army (NDAA)
7) Myanmar National Democratic Alliance Army (MNDAA).
 
TNLA, MNDAA la AA te in pawlkom dang Brotherhood Alliance ding ve ii. AA heh Union Peace Conference ah sawm lo lekhaw TNLA le MNDAA te khai tel hiam ve lo thu phuang zo ii. Ikhalkhaw, NCA ai tel lo Arakan Army (AA) tu Kawl cozah thawn kaapdun teng maan tel sing tuh lo ti ii.
 
Kawlram cozah in National Socialist Council of Nagaland-Khaplang (NSCN-K) khai UPC ah sawm tuh lo ii.
 
U Thein Sein cozah sanah 2015 kum ah NCA lungkhim in hmin ngahnak pawlkom meeting ah tel tuh ralthuam hmang pawlkom te khiah a hnia ai te ii.
 
1) Karen National Liberation Army-Peace Council (KNLA-PC)
2) Karen National Union (KNU)
3) Democratic Karen Benevolent Army (DKBA)
4) Restoration Council of Shan State/Shan State Army (RCSS/SSA)
5) All Burma Students’ Democratic Front (ABSDF)
6) Arakan Liberation Party (ALP)
7) Chin National Front (CNF)
8) Pa-O National Liberation Organization (PNLO)
 
New Mon State Party (NMSP) le Lahu Democratic Union (LDU) khiah ralthuam hmang pawlkom i lo napui NCA ah pawlkom hming thun ve ai, Union Peace Conference ah tel tuh ve ii.
 
Union Peace Conference heh ni thum (3) song to tlang tuh ai, meeting ah Union Peace Dialogue Joint Committee tawkdunhnak umh tuh ai lungkhimhnak te ngan tlang tuhin tumtah ii.
Tagged

Only registered users can comment.