Nile runtipui khamin Ethiopia ram in ti luang kham pan hang

Nile runtipui khamin Ethiopia ram in ti luang kham pan hang

Laivum ah tipui sau ber Nile heh a luang pan hmun a hnar lam Blue Nile tipui ah Ethiopia ram in kham in Africa khuamual ah a ham ber tikhamhnak bawn ben zo i hang. 2020 kum July 16 nia ah Ethiopia in he tikhamhnak hmangin tunah ti khawl pan i hang tiin phuang i hang.

Grand Renaissance Dam ah ti dim pan hang

 

Tikhamhnak heh The Grand Ethiopian Renaissance Dam tiin ko ii. He tikhamhnak heh 2011 kum ah sa pan ai, 2020 kum July ah hmang thil in honghnak nai tuhin tumtek hnak ai a sahnak in $4 billion dung bo ii.  Ethiopia acozah in a reldan in he tikhamhnak ah ti dim tuhin kum 5 an kum 15 dung rai tuh ti ii. He tikhamhnak ah ti dim lekhaw heh 250 km tian in ti dim in tili pui cang tuh ai, ti heh cubic meter 10,200,000 tian in khawl thil tuh ii. He tikhamhnak hmangin electric maisa bawn tuh ai, kum khat ah 16,153 GWh nai tuhin ruathnak nai ii. Hetin Ethiopia in Nile tipui ah luang tuhhnak tihnar lam in khamhnak in Nile run tipui ah tiluang tlawm kio tuh ai, a hlang lam ai umhnak ram tam ngai khiah ti nai tuh lo ai, khuakheng ram i cang tuh ai, Nile run tipui ringin nunghnak Egypt ram te tian in rohsia harsahnak tawk tuh i hang.

Grand Renaissance Dam sa teng lai zuk

Ti maanin Ethiopia ram heh Egypt le ram dangdang in kaap thai dinhmun ah hleng thai ii. Bible lam in hlirtu te in Egypt in harsahnak a tawk tuh laihnak khim tuhin hetin Ethiopia ram in Nile tipui tiluang a khamhnak in khim ruai tuhin ruathnak nai vek ii.

Nile runtipui sak lam ah Grand Renaissance Dam umhhmun

Only registered users can comment.