Sat. Jun 22nd, 2024

THUFIIM
Thukonghoi

 

THUFIIM laaibu heh biahnaak lam thu cuukhnak le nuncan ziaza cuukhnaak te kop ai ngaan hnaak ii ai, thusaanteh le thufiim bangin ngaan hnaak ii. A tam ber tu nisiar kin nunhnak ai kin hmang hnaak te ii. “Linhnaak nai thai tuh in Bawipa kihzah tu” ti hnaak thawn thu kin so thawh ai, biahnaak lam nuncan thu leek ii lo in, umdaan pha nai tuh le fiim thiam tuh thu te khai telh ii. Thu pakhat khat daak fangin mifiim pakhat heh kontih bangin um pha ii ti khiah he laaibu song ai hmang hnaak thusaanteh com niuniu te in hlaanlaai Israel thucuuktu te khua lo hmu daan lar ruai ii. Hemi thu haatlam tu innsang thu le, sum le saw thu ii; a haatlam tu mizapui lak ai um fangin kontih bang ai um pha ii ti le kontih ai um fangin mawi ii ti thu ii. A haatlam tu mah veve suup kuul hnaak thu te ii. Hniatacuhhnaak khuaruah, thinfualhnaak le mi farah zuul hnaak le mah rualpui pha  kongcung ah upkuul ai um a phat hnaak khai tampui reel ii.

 

Thuhawlpui

Fiimhnaak aanhnaak 1.1-9.18

Solomon thufiim 10.1-29.27

Agur reel hnaak 30.1-33

Thusaanteh hincaang 31.1-31