Ottawa ah Dawngpui kum 2hnak Oct 14, 2013 ah ben tlang

14 Oct 2013 (Monday) nia, 12pm-5pm tian kum 2hnak Ottawa (Canada ram) khuapui ah Dawngpui tluang ngaiin bawn ben ii ing.

Tun kum ah Canada huap in Zanniat Community kin ding hnua ah Dawngpui heh Culture lam pervo kin langsah tuhin kin ruathnak Pa Dam Za Mang in kin ho ai Ottawa Korean Community Church ai Hall ah hmang tlang ii ing.

[portfolio_slideshow]

Program heh 2 in khan ai Program hmasa ah Pa Biak Za Mung in Chairman kin per sah ai, Pastor Biak Vum (Ottawa Falam Baptist Church pastor) in Pathian thucah com kin rel ai, Pa Thawng Nei Cung in thangphathnak laimawi kin sa sah ii. Prog 1hnak ah Canada ram ai Zanniat ulenau veksen songin Academic lam in tlawng ben te pawl cawimawihnak nai ii ing.

Academic lam ai Cawimawihnak kin pehnak te tu a hnia ai bangin ii:

1) Fenu Sunday Par (Diploma in Law Clerk, 2012)

2) Fenu Biak Lian (High School Diploma, 2012)

3) Fenu Sen Dawt Tling (Diploma in Business-Accounting, 2012)

4) Fenu Lai Thian Mawi (Diploma in Police Foundation, 2013)

5) Pa Nuam Ling Thang (High School Diploma, 2013)

6) Pa David Thawm Nei Mang (High School Diploma, 2011)

7) Nu Sui Nuam (High School Diploma, 2011)

8) Fenu Eden Thar (High School Diploma, 20—)

9) Nu Sui Hnem Mawi (High School Diploma, 2011)

10) Nu Bawi Hnem Tling (High School Diploma, 2013)

11) Nu Rian Sung (High School Diploma)

12) Pu Thang Ning Kee (High School Diploma)

Nikum lam pah kin relcathnak bangin nau thar nai innsang in Dawngpui ah Sanghum bawn bawn tuhin relhnak bangin tun kum khai Pa Thawng Nei Cung le Pa Tluang Kip Thang te in Dawngpui 2012 hnua ah nau thar nai veve maan thawh tlang ii.

Program 2hnak hehPa Thawng Nei Cung ih Chairman kin awh sah ai thucah, Zanniat laam, solo, pa Dam Za Mang ai laa solo zuamdunhnak te pawl thawn a hnuata ber ah Zanfak aitlanghnak thawn hiam ngaiin hmang tlang ii ing.

Program 2hnak ah Pa Dam Za Mang ai album 1hnak song ai laa “Ngai De Ing” tihnak mi 5 lai in zuam dun in mipui hmai ai sa le;

1hnak Pa Thawng Nei Cung ($50),

2hnak Nu Sui Nuam ($30) le

3hnak Tlangval Thian Nai Vum ($20) te in ngah tlang ii.

Solo ah Pa Stephen San in Salai Thuah Aung in phuahhnak “Thirhlung Aw”, Nu Sui Nuam in “Kin nunhnak”, Salai Thian Nai Vum in “I Mithli Far Mahang” laa te mawi ngaiin kin sa sah ii. Ottawa ai kin nubu lam in Zanniat laam kin hoi ai Pa lam in khai “Sakuh Kuluk Kuluk” laa te kin hoi ii. Pi Tuah Hngel in Dawngpui thucah kin rel ai, Pa Hrang Khen Thang in Zanniat Community thucah kin rel ii. Pa Tluang Kip Thang in Zanniat thula relhnak English in Presentation bawn le Fenu Run Hnem Mawi (Pa Lumbawi fanu) in mipui hmai ah Zanniat pon thiam lo khangthar te in ling tuh ve in English in kin siar sah ii. Program ah Special request te khai umh ii. Program benhnak le Zanfak aitlanghnak thawn Pastor Biak Vum innsang-nu in sawngenhnak kin nai ii. Zanfak heh Ottawa ai Kawl pon in Pathian thangphat hmun Revival Christian Fellowship (FCF) nubu in rong le rongmeh te pawl uur ngaiin kin suahsah ii.

Hetih bang ai tluang ngai le hiam ngaiin Dawngpui kin hmang tlang thilhnak vum ah Pathian thangphat ii ing. Lungrual ngaiin le tha so ngaiin teltu rualpui le ulenau veksen vumah aanghnak tam ngai nai ii ing.

A hnia lam ah kin photo niu niu ning kuat fawm ing.

Aanghnak tampui thawn

Thu ning thantu