US ram Missouri state Kansas khawpui ai fenu Ester Honig heh kuim 24 mi radio journalist ii . Laivum ai zuk lam mithiam te pawl thawn na per tlang lai teng ah thil danglam ruat ngah hnak nai ii. Cetin laivum mi nupang mawi tihnak a hmudan ling hiam in thil thar bawn ii.
Ester in a vum ai a zuk khiah Sri Lanka ram ah kuat ai, “Hi, i hming tu Ester Honig ii… mawi sin tuhin i zuk i bawn sah tu.” tiin laai kuat ii. Cetin Sri Lanka lam ai zuk lam mithiam in amah te ram in mawi tihnak bangin a zuk heh photoshop in bawn sah le kuat ii. Cia hnua ah ram dang dang ah a zuk kiah kuat le amah te ram in mawi tihnak bangin a zuk rem sah tuhin ngen ii.
Cetan a tawkhnak tu ram dang dang ai photoshop te pawl in nupang mawi tihnak tam ber heh mit colour pawl le hing thawn tiksa var lam deuh heh mawi ti tlang sek hnak tawk ai, euro-centric lam nupang heh mi tam sawn in mawi ti hnak tawk ngah ii. Cia lak songin Morocco ram ai designer pakhat in tu Ester ai zuk heh Muslim nupang thuam Hijab sil ruai ii.
Ester Honig in ram 27 ai design thiam te hnen ah amah zuk rem salhnak ngah zo ii. Ram dang dang ah a zuk rem sah tuhin kuat sin tum ii.
Kin Zanniat mi in Ester ai zuk heh rem ve singlai zai bang in bawn sah ve ni sing?
[portfolio_slideshow]