Zai man Kawl party, tin ko? Zai man Chin Party, tin ko?

Zai man Kawl party, tin ko? Zai man Chin Party, tin ko?

Laingantu: Salai Sai Lian Thang (Thangboo)

Pawlkom pakhat kin sikfang in aham panhmun sik in ciatu zai pawlkom khia tu cia pawlkom tin rel de i sing. Thuthimhnak in Zanniat pawlkom khiah Unau dang ten Chin pawlkom tin ko awngkel lo ai Zanniat pawlkom tin ko de ii. zai man ti fangin Zanniat pawl kom ai hampan tu a luu ber khai Zanniat pa i ai a mipui khai Zanniat te man ii. Zanniat pawlkom ai thunai tu khai Zanniat mipui le Pawlkom ai konghoi tu te khai Zanniat te lolek ii. Cia bang pah in Politic party te sik fang in he tu zai party i tin a rel thil hnak Tawhfung tu a ham pan tu Luu ber le a mipui sik in rel de ii. lailung vum kohhran thu sik in khai he tu Buddhism, he tu Muslim, he tu Christian tin rel de hnak khai a ham pan tu a luu ber sik in rel ve de ii.Pawlkom pakhat ai thil feh dan kin fiang teen tuh in um ing. Zaiman NLD politic party khiah Kawl party tin ko ???

Kin lingcia zo bang in NLD party khiah 1988 kum September 27 nia ah ding pan awng ii. A dingpan kum ai hotu tu ber President ah Ralbawi (major-general ) Aung Kyi (Kawl miphun), Vice President Ralbawi ( Bo-Chuk-Kyi ), Turah Tin Oo (Kawl miphun) le Secretary Bo-Chuk Aung San Fa Nu Daw Aung San Suh Kyi (Kawl miphun) te dingpan awng ai, member 90% tu Kawl te lolek ii.


President – Daw Aung San Suh Kyi (Kawl miphun)
Vice President (1) – U Win Myint (Kawl miphun)
Vice President (2) – Dr.Zaw Myint Mung (Kawl Miphun) Secretary songper – U Nyan Win (Kawl miphun)
Secratary song per – U Han Thar Myint (Kawl miphun)

CEC Member:
Dr .May Win Myint(Kawl miphun)
Dr.Khin Htay Kwal (Kawl miphun)
Daw Nang Khin Htwe Myint (A nu Shan te )
Dr.Myo Aung(Kawl miphun)
U Tun Tun Hein (Kawl miphun)
Dr.Aung Moe Nyo (Kawl miphun)
U Nyi Pu (Kawl miphun)
U Aung Soe (Kawl miphun)
Dr.Myo Nyunt (Kawl miphun)
U Phyo Min Thein (Kawl miphun ) te pawl ii.

Thu rawn pe tu te:

U Win Htein(Kawl miphun)
U Ohn Kyaing (Kawl miphun)
U Kyaw Khin (Kawl miphun)
U Mahn Johnny (Kawl miphun) te ii.

NLD Party Thuthan thil tu:

Dr. Zaw Myint Maung (Kawl miphun)
Dr. Myo Nyunt (Kawl miphun ) te pawl ii.

NLD party central executive committee(CEC) song ah Tlangmi pakhat khai tel lo ai Chin Mi pakhat khai tel ve lo ii.

Vice President Henry Van Thio khai NLD CEC Member ah tel lo ai Chief Minister Salai Lian Luai khai NLD CEC ah te ve lo ii. Myanmar ramsong ai thunai hnak sangber lang tu hmuahhmuah khai NLD party central executive committee (CEC) member song ai kawl miphun te ciang ii. a hnia ai bang in tar nga sing.

1. U Win Myint (Kawlram Tamadah )
2. Dr. Zaw Myint Maung (Mandalay Chief Minister ),
3.U Tun Tun Hein (Pyithu Hluttaw Deputy Speaker )
4. Dr. Aung Moe Nyo (Magway Regional Chief Minister)
5. U Nyi Pu (Rakhine State Chief Minister)
6.U Phyo Min Thein (Yangone Chief Minister)
7. U Mahn Johnny (Irrawaddy Chief Minister)

Kawlram ai thunhhnak sangber hmun hmuah Kawl miphun NLD CEC ten lang sio ii. USDP Party san lai khai cia tih tho tho ii. Chin ram NLD te sikfang in Kawlte Chinram ah NLD tungding lo ai Chin miten sawn in NLD party song ah lut sawn hnak ii. Cia man Chin miphun NLD ai MP ten Central Cozah ah thunai hnak sang pakhat khai co ngah ben lo ii.Kawl kuthnia lut MP menma ii.cia man in NLD ai A luu ber khai Kawl te ii.a miphui tam sawn khai kawlte tho tho hlei ah thunai hnak sangber hmuahhmuah khai kawl kut song ah um sio i man in Kawl Party tin Politic mithiam pawl in ko hnak ii.

Tlang miphun party or Chin party tin zai man ko ???

Shan, Kachi, Chin,Mon ,Rakhian party i tuse a ham pantu a luu ber sik fang in a miphun te ding te’n ding ai a member te khai a miphun pawl ii.Miphun party song ah Zai kom in khai Kawl Member pakhat khai lut/Tel awng lo ii. 2010 election lai ah NLD te Election lut lo napui Kawl miphun pawl in Chin party pakhat khai vote lo bang in Shan,Kachin,Mon ramai a miohun party ah kawl ten vote cuang lo ii. Kawl miphun ai ding hnak USDP party ah Vote sio thotho ii. -2010 election ah Chin ram kulh song ah um tu Kawl pa in Chin party Vote lo ti fang in Kawl miphun ai dinghnak USDP vote le sing Kawl rawn ai um tu Kawlpa thazang cak tuh i tin ruat thiam hnak / ling thiam hnak nai tlang ii. Lampui hiang ai Kuuli hlawh Kawlpa ruat hnak bang in Chin miten ruat ben teen i le sing Chin miphun Kawl lak ah mithmai nai tuh ve ii.

Only registered users can comment.