2020 kum Election ai cozah per ngah lo te cozah committee thar CRPH din

CRPH facebook zuk

Tatmadaw in 2020 kum rildunhnak lungkhim lovin February 1, 2021 nia ah cozah thunaihnak sut lio hnak vum ah Kawlram cozah committee thar Committee Representing Pyidaungsu Hluttaw (CRPH) khiah February 8, 2021 nia ah din ii.

CRPH heh Tatmadaw in a pom ngah lo hnak, 2020 kum election ah mipui in vote in tlinghnak Hluttaw ngahtu te minung 15 kom in dinghnak ii. CRPH in thu suah ai, Pyidaungsu Hluttaw heh Myanmar ram ai Union Parliament i napui cia heh Tatmadaw in siatbal lio tiin phuang ii. Ciamaan, tunah CRPH heh mipui in rilhnak cozah in ding hlen in Pyidaungsuh Hluttaw (Union Parliament) in fehpui hlen tuh ai, cozah dinhmun in thu rel tuh ti ii. Cen, Kawlram president heh CRPH lungkhim in U Win Myint heh President 10 hnak tuhin ril ai, ramdang te in pom sah tuhin phuang ii.

CRPH ding ben pah United Nations (UN) le ramdang cozah te hnen ah lai pe ai, Kawlram cozah thawn thu rel tuhnak umh lekhaw Ramdang cozah te in mipui in dinghnak cozah CRPH sawn heh pon tuhin ngen ii.

Hetin Tatmadaw le CRPH tiin Kawlram heh cozah pahnih in zuamdun in umh ii.

(A hnia lam ah CRPH ding thu lai suahhnak le lai dangdang umh ii.)

 

Only registered users can comment.