Kum 2050 kum dung ah kuakfawptu mi 40 million dung heh TB in thi tuh ti i.
Kuakfawp te heh kuak fawp lo te hnakin a let hnih ih lung lam uurhnak nai thai i.
Aficia, Medeteranian nisuakhnak lam le Southeath Asia ram lam ah TB tam tuh i tiin BMJ Publishing Group Ltd. in phuang i.
Kuakfawk te in a fawp lo te hnakin a letin cuap lam urhnak ngah de ti ii. Kuakfawp man’n TB ngahtu ta tam sawn heh Africa, Medetarranean nisuakhnak lam le Asia hlanglam ram ah tam ber tuh ti i.
Dr John Moore-Gillon heh British Lung Foundation ai mithiam i ai honorary advisor ii. Amah in “World Health Organization (WHO) in TB heh kum 20 song ah laivum ca laukul dinhmun ah hleng tuh ti in a phuang hnak heh hleng dawn hang i sing” tiin reel i.
Mathematic lam in
Lavum ai minung 5 song ah 1 heh kuakfawp mi i; TB tam hmun ram te heh Kuak bawnhnak company tam hmun i de i.
Kuakfawp heh TB cang tuhin a bawmtu poimawh roh pakhat ii, kuak man’n Cuap in urhnak tawk fangin do ben de lo ii.
University of California ai Dr Sanjay Basu in TB le kuak thula hetin reel i.
Laivum ah kuak maanin 2010 an 2050 kum song ah minung 40 million dung thi beet tuh ti i. Tun ai dinhmun bangin kuakfawp tete lekhaw TB nai he mingun 18 million dung in umh beet tuh i.
BJM in “Kuakfawp man’n TB le thihhnak heh hmai lam ah tam tete tuh le mi tam ngai thi tuh ti i.
TB (Tuberculosis) heh karhzai thai ur phunkhat i le cuap hnawm ruai leek i lo ai tiksa dang ah zai thai pah i. TB heh kilhawl vual lo lekhaw cuap hnawm ruai le haihawh thil lo tian in umh thai ii.
Mi hrekkhat tu TB nai napui kum rai thah TB urhnak lar loin umh thai ii.
TB heh Antibiotics sii hmangin lawmruai thil napui a laikul khai umh i.