ZANNIAT DAWNGPUI THUANTHU
Phuangtu: Pa Thawng Tin Lian (Zanniat Laizo)
Zanniat miphun Zanniat mi te ai kin hla sair dan te pawl heh Hla de hla raan Hla pai siik in khum rel de i sing. Khal caan, Khawsik caan, Fur caan ti in khan le cia song ai Hlapui um dan khiah lo cul le kum khua rel de i sing.
Dawng hla (October) fang in kum thar le September lam sawm hla fang in kum bo i. Kawl te hla siar dan le Mirang te hla siir dan khai kin bang dun hlen i.
Zanniat hla siir dan te tu:
(1) Dawng Hla (October)
- Pa Thawng Tin Lian
(2) Kau Hla (November)
(3) Artitih Hmasa Hla(December )
(4) Artitih Hnuata Hla (January)
(5) Nuhmai Hla (Febuary )
(6) Pawi Hla (March)
(7) Khuasak Hla (April)
(8) Vakhai Hla (May)
(9) Ngei Hla (June)
(10) Thar Hla/Cun Hla (July)
(11) Sik Hla (August)
(12) Lamsawm Hla (September) ti in hla siir dan te lo nai awng i.
LAMSAWM
Lamsawn Pui heh Fang sik ben zo hang le Nimdeen khawm pan man hang in mah te innsang ten ah fang thar canghnak in Sanghum huat le ai tlang de i. A Sanghum huathnak ai hlan ah Pa Zang (Tlang au te) in zing Ar khuang fang in tlangau de i.
“Ning thawh pil ning dawng ah lon tu hang i law. Khua zing te in ai tu sa lai tlan tu sek seh, kin pui bawn hnak kin hnai hnawk mah sih ai su khai sum pua suak mah i law” ti in khua sap man in tlang val te laam it piing (mi inn cam) te alau in ar khuan hlan ah inn ah tlung de I, Cia nia fang in mah te tung ten ah vok ro in inn lutu te in ai tlang de I,Fenu tlangval te tu dawng rawlh lam in nun nuam ngai in um tlang de leh lam sawm pui ti in ko de i sing.
DAWNGPUI
Kum khua tan hnak DawngPui heh Dawng hla raan October ni 10 dung fang in tlang au te in thanghaa mual sel tuh i sing ti in tlang au leh fenu tlangval in khat pa khat suak in a lam hmun tuh mual leh tlang ciang ngai in seel liang de i. Mual sel ben fang in tlangval te in ruhphi khuang seelki daar tum le
“Miro kai bibu e thai hmin na maw ti e” ti in lam tlang de i. Cia heh mual seel nia ti in ko de i sing.
Dawngpui pui heh khua cang ram cang ah bawn de i sing. Pui heh ni khat lek bawn lo le ni 4 song bawn tlang de i sing.
(1) Nau Buthi Dum Nia
(2) Lampui Nia
(3) Khomkeeng Sawh Nia
(4) Sawmtlun Nia tin in hmang de i sing.
(1) Buthi dum nia: Dawnpui pan nia i man hang in tlang au te in
“Inn khi pakhat suak tu in law Nau” ti in tlang au le inn lak cang ah buthi zuul tlang de i. Buthi a ngahhnak hmuah heh kum khat song ai nau thar pasal nai te hmuah zeem tlang leh Zubel in luh tlang de i. He mi buthi zuul pui heh kum khat song nau thar pasal nai ang hnak pui pakhat khai lo cang i. Inn lak cang ah Vok ro in pui pan nia khiah hiam ngai in hmang tlang de i sing.
(2) Lampui nia: A ni hnih nia hnak fang in inn lak cang ah mah nai hnak tlen vok ronin rawng ai tuh phun cang in hmang tlang de i. Fenu tlangval Nupui Pasal pui te khai a laam hmun tlang ah Khuang leh Dar tum in sunnivui lam tlang de i. A laam hnak la te tu:
“Tlang ai ri nim din deen nim din deen” ti in cang khat lam i. Lampui nia ai Ruhphi in:
“(Bual tlawn e) 2, Bual Tlawnneno (Samzu e) 2 samzuneno le mual ai Fang pha khiah khawmte sing lai a hnawm hnawm khiah sui sek sing lai, Ar mai bang cam thawn kawl sua leng rih ang” ti in sunivui lam tlang de i.
(3) Khomkeeng Sawh Nia: A nia thum nia fang in Khom Keeng Sawh Nia ti le inn lak cang ah Vok ro leh Lam pui nia bang pah in tlang ah lam tlang de i.
(4) Sawm Tlun nia- A ni li nia fang in Lamveel ti in khai ko le Dawngpui a hnua ta nia i man hang in sunnivui tlang ah lam tlang de i. A sa hnak la te tu:
“Naulen lo hau mah i law, lo hau mah i law, Nau len hau keel lo i. Seel khal lo hau mah i law, lo hau mah i law, Seel khal hau kel lo ing e, hau kel lo i e. Tlung ing e, Sawm thawn tlung ing e, hleng ing e, Za thawn hleng ing e. Tun kum cen Rian Riang tlung khaw e, khuavai ah cen zan zaai tlung ngai e”,
ti in lam tlang le Sawm Tlun hmun tuh a kotu pa inn ah nuam nui nui in a lam kawng in tlung tlang de le kum khua tan hnak Dawngpui ben nia i hang, kin Zanniat ram song ah kum khua tan hnak kum thar heh pha ngai i. Neihhnak tam ngai bo in siang ngai in pakhat leh pakhat lo do dun de awng i sing.
Zanniat ram song ai Dawnghla heh nulepa pi le pu unau songkhat upat pedunhnak Kuangeh ti le mah naih hnak song ai Sel leh Vok ro in hmangtlang de i. Cia man Dawnghla heh kin um hmun ten in it dun le ngai dun tio nga sing ih.
Kum siar dan tu kum thum song ah lo rong cin dan in Busul kum, Behli kum, Phiang kum ti in a cing kum cang in lo ko de i. Busul kum ah phiang cing le khaw lo thai de lo man in a mah te cing kum lo tu cing ngam de lo i. Cen, Phiang kum fang in khuapui sang thei, inn maikang thei, Sarthih um thei, bawngsia tawk thei ti in Phiang Kum hleng tuh heh a lau tlang de i. Kum thum song ah kum khat tu phiang kum ti in ko de i sing.