Kawlram le India acozah in khangsohnak naper tlang tuhin le ram humhimhnak ca US$ 500 million hmang tuhin Kawlram President Thein Sein in Delhi (India) ah ni 4 song a umh hnua ah India thawn lungkhimhnak bawn tlang zo i. He hotu te in Kawlram le India karlak ah ah sumpaihnak lam, fimthiamhnak lam, lo-faang naperhnak lam le humhimhnak te kho ruai tum i.
Indian Minister for Science and Techology Vilasrao Deshmukh, right, and Burmese Minister of Science and Technology Aye Myint, left, sign an agreement on science cooperation. Indian Prime Minister Manmohan Singh, second on right, and Burmese President Thein Sein, second on left, look on at Hyderabad House in New Delhi on Friday, October 14, 2011. Photo: AFP
Indo-Asian News Service in ah India Prime Minister in tun bang in Democracy ram ah thleng tuhin Kawlram in a fehpui daan heh lungkhim pui thu phuang i.
September hla ah Kawlram ai Commerce Minister Win Myint in ram pahnih in ram pahnih karlak sumpaihnak heh a let in khang ruai tuhin le US$ 3 billion heh 2015 ah hlen tuhin lungkhimhnak bawn zo i.
Indian Minister of Heavy Industries & Public Enterprises Shri Praful Patel le Burmese Minister of Industry No. 2 Soe Thein te in thureeltlanghnak nai le India le Kawlram in lungrual in companu le industry lam ah khat lam le khat lam in hlawkhnak nai tlang tuhiin lungkhim tlanghnak bawn zo i.
Hetin India in China hnakin Kawlram song ah sumpaihnak lam ah dinhmun pha ngah thil tuhin roh ngai in zuam teng i. China in Kawlram thawn lungrualhnak bawn zo le Kawlram an Gas le Oil lang tuh ai cia te heh Bay of Bengal song in Kawlram le China ramri tian pipe hmangin kuat tuhin lungkhimhnak bangin tun heh bawn teng i. Cia leek i lo ai China in Irrawaddy tipui ah a tlawm ber Dam (Tipui khamhnak, electric bawnhnak le tii khawlhnak) 7 bawn tuhin sumpai tam roh bawm zo i.
