Reuters te hnen in, Moammar Gadhafi heh a ralkap te le khatlam ralkap te kapdunhnak karlak ah a lut ah maithal in ngah le a thi tiin acozah ding hlan awhtu acozah prime minister in 20 Oct, 2011 nia ah phuang i.
Gadhafi ralkap le khatlam te kapdunhnak ah Gadhafi heh truck motor ah a lut tuh fangin a forhlam ban ah maithal in ngah le motor (car) in fehpui leh i. Cetin car thawn a tlan teng fangin Gadhafi lam le amah dotu ralkap te heh roh ngai in kapdun le aisu lam ai maimu in ngah tihnak ling loin Gadhafi heh a lu ah le a awm ah maimu lut i. Hliam tuar Ghadhafi heh mangrau ngai in Hospital ah fehpui napui lamkhong ah thi i ti in thuthang in phuang i.
Laivum hotu te in Ghadafi thi hnua ah Libya ram heh Democracy ram ah din tuhin fehpui daih tlang i. U.S President Barack Obama in Gadhafi thihhnak heh Libya thuanca ah danglamhnak tuh ni poimawh ti in rel ve i.
httpv://youtu.be/nsGkwFBByuQ
Gadhafi in Libya ram heh ralkap hmangin kum 42 uk awng i. Gadhafi in 1942 ah junior officer i awng le 1969 kum ah Libyan siangpahrang tlok ruai in ralkap in uk pan le kum an tun kum 2011 tian uk le amah daih loin dohnak heh tun kum February hla in pan i.
