Thailand prime minister Yingluck Shinawatra in 20 Oct, 2011 nia ah Bangkok khawpui heh humhim ben lo hang tiin thuthang phuangtu te hnen ah phuang zo ii.
“Tilian heh kumkhua in kham ben lo i ing” tiin Yingluck in The Bangkok Post ah reel i. “Tii heh kham rai le singkhaw tilian heh khang am am ii” tiin reel le, “tun ai tii heh tipuithuanthum ah luang thil tuhin hmun lawng hong sah kin kuul” tiin reel ii. “Hmuncang in tii kawi le kham lo i ing, zaiman’n tifangin tii tam ze ii” tiin ree le, “Mipui te hnen ah ralring tuhin reel kin hiam” ti ii.
Cen, Bangkok Governor Sukhmbhand Paribatra in District 7 heh tilian man’n laukuk dinhmun ah umh le he hmun ai mipui veksen heh hmun sang sawn ah thawn kul ti ii.
Hetih bang ai tii khang teng fangin Bangkok ai mipui te in le dawr nai te in dip song ah siat thun le tii khang tuh kham tuhin buai tlang ngail teng ii. Tun heh tilian man’n mi 320 hnakin tam sawn thi zo le mi thawng tam roh inn le umhmun nai loin umh zo ii.
July hla bo dawn pah rauh ngai in ruah si le kum 50 song ah tun tum heh he ram in rauh ber in ruah le tilian a tuarhnak ii, Thailand ram hmun 3 ai hmun 1 heh tilian in buai hang ii.
Thai acozah in tun eh UN Secretary Gen Ban Ki-moon pon zo ai UN in PM Yingluck Shinawatra thawn pondun zo ti le UN hnen an bawmhnak kawi tuh ti ii.
Tun teng ah Cambodia, Laos, le Vietnam, Southeast Asia ai ram dang song ah Kawlram khai ruahsi tam ze man’n tilian in buai ngai ii.