Malaysia ai Home Affairs Minister Datuk Seri Hishammuddin Hussein in 18 Oct, 2011 nia ah UNHCR le Kawlram ai Deputy Minister Maung Myint te in lungkhimhnak nai hlan ah refugee te dinhmun sik hmasa tuhin lungkhim tiin thuthang ah phuang ii.
Malaysia ah Kawlram mi thawngo mi 1,000 dung heh refugee khai i lo, UNHCR ah refugee dinhmun ngen lo te khiah Kawlram ah kuat leh tuh tiin Malaysia acozah in phuang ii.
Malaysia Home Affairs Minister in tun bangin danglamhnak bawn napui UNHCR in refugee i tlak te tu lang hlen tuh napui refugee ngahhnak hmang in mi tam roh Malaysia ah umh ruai tuh loin UNHCR thawn pon dun ti ii.
Tun teng ah Malaysia ah Kawlram mi 3,000 dung heh daan loin camp 13 ah umh teng ii.
Burma Campaign – Malaysia in Malaysia ah tun heh Kawlram mi 500,000 dung umh le cia te songin mi 100,000 heh refugee le refugee ngentu te ii, Malaysia ai refugee te lak ah Kawlram mi heh a tam ber dottu ii ti ii.
Malaysia ah Kawlram mi te lakah Chin le Kachin tam ber ii. He te heh a tam ber tu pawlkom dang te in bawn sahhnak card hmangin umh napui cia card heh acozahdaan in nung ngai ngai lo ii.
Malaysia ai 6Ps program heh tun kum August hla in hmang pan zo leKawlram mi 250,000 te ai kutzung tial zuk te veksen lang sah sek zo le daan bangin he ram ah naper hang ii. Malaysia ai social lam pawlkom te in a rai hlan ah daan loin umh ramdangmi te heh acozah in hnawh tuh tiin umhnak nai ii.
Malaysia acozah le Kawlram acozah in thawngto te thlengdun tumhnak nai le he program hmangin Malaysia ai Kawlram mi thawngto mi 1000 heh tlunghnaktuh sumpai nai lo te kuat tum ti ii.
Tun Kawlram ah Malay mi thawngto um bial le cia te hming heh Kawlram acozah in lang teng ii le minung zaizah i tuh ai Malaysia an Kawlram ah kuat tuh hnak Malaysia ai thawngto Kawlram mi te hming khai lin lai loin umh ii.
He teng fangin ASEAn Inter-Parliamentary Myanmar Caucus (AIPMC) in tun bang ai Kawlram le Malaysia in thawngto thleng dun tuh program heh Kawlram lam ah poi thai manin iang rih tuhin ngen ve ii.