China ram ai fenu Nguyen Thi Phoung heh kum 26 mi i napui a vun heh pitar bangin thleng vut le kum 70 mi bangin umh ii.
Nguyen in hetih bang ai a tar cakhnak san ber heh 2008 kum ah tipui ai sa (Seafood) a aihnak ngaih lo maan le a tiksa thak sek ai cetin panhnak i tiin amah in reel thu Vietnam Net Bridge media in phuang ii.
A tiksa thak ca dawr ai sii heh hla khat song ai le a tiksa thak tu lawm napui a tiksa vum tu lawm lo ii. Sii dang ai beet le hnawta ah a tiksa heh pitar tiksa bangin cang tete ai ni rai hlan ah mitar bang in umh ti ii. Sii dang te khai hmang napui lawm thil lo ti ii.
“I hmai le pum vum te heh fa tam ngai nai zo pitar vun bangin cang sek ii” tiin Nguyen in The Daily Mirror thuthang ah reel ii. Inapui le fenu a i lai bangin hlasiar thii nai, a sam, a mit le haa le khawruathnak te tu danglam cuang lo ti ii.
Ho Chi Minh City Endocrine Association ai Chairman hmasa Mai The Trach in he nu ai a songlam tiksa te naperdaan tu pha hlen ti ii.
Ho Chi Minh khawpui ai Hospital of Dermatology and Venerology ai doctor Huynh Huy Hoang in “He thil heh mak roh ii” ti ve ii. “Tun heh vaikhathnak i hmuhnak ii” ti ve ii.
Vietnam Military Medical Academy ai Yen Lam Phuc in “He urhnak heh a thar ii” tiin phuang ii.