Kawlram acozah Naypyitaw in 27 Oct, 2011 nia ah acozah ah political party lut thilhnak daan rem leh ai cia daan thar hmang in tun naai ai lut thil lo hnak National League for Democracy (NLD) khai lut thil ii.
Tun ai daan ah party heh Parliamentary Election ah tohkham (Seat) 3 cuh teng teng kuul ti ii. Daan thar in tun ai daan heh General Election hnua ai party thar tel te lo tiin phuang ii.
Tun ai daan thar ah tun hlan ah party te in ram daan heh HUMHIM (Protect) tuh tiin nganhnak thlengh le KIHZAH (Respect) tuh tiin cafang thleng ii.
He daan thar heh Upper House in October ni 5 ah nemhnget le cia hnua ah Lowe House ah nemhnget tuhin kuat leh ii. Tun he daan heh President Thein Sein in a hming ngan lekhaw nung tuh ii.
Hetih bang ai daan thleng maan NLD party ca acozah ah lut thilhnak dawngkham hong sah thawn bangrep ii. Inapui acozah ah party thun tuh thula heh NLD in relcathnak nai lai lo ii.
Tun naai ai Kawlram Election nai tuh in acozah in thu phuang fangin NLD ai hotu ber 2, Aung San Suu Kyi le NLD Vice Chairman Tin Oo te khiah thawng to teng ii le tun tu amah te in lingkhim ve lekhaw acozah ah NLD party khai zuam thil ve tuh dinhmun ii.