[portfolio_slideshow]
Tun teng heh Kawl acozah ralkap le Kachin ralkap te khiah roh ngai in do dun teng ii. Kawl ralkap lam in nor te te ai tun heh Kachin ralkap hmunpui ber Manmaw (Bhamaw) District nong te te hang ii.
Manmaw le Loije karlak lamkhongpui dung ah tun heh Kawl acozah le Kachin heh hla khat luan kaap dun hang ii. Kawl acozah ralkap te in nor te te ai tun heh bomb kapsuakhnak 120mm mortar pawl thawn roh ngai in nor ii. Tun heh Kawl ralkap te in Hka Wan Bang khua an KIA hmunpui ber nong te te hang ii.
8 Nov ah Kawl ralkap le Kachin te roh ngai in kaap dun ai acozah lam in Hka Wan Bang op ai KIA in Law Dan hmun op kong in kaap dun ii.
Tun Kachin te umhmun Law Dan khua ah innkhi 30 dung mipui umh ai cia te khai acozah ralkap te hleng tuh lau in a khua hlum tum hang ii.
8 Nov nia ah acozah ralkap tam sawn motor tam ngai thawn a dim in N’Mawk (Momauk) ah hleng beet ii.
Kawl acozah le Kachin Independence Army (KIA) heh kum 17 song remhnak bawn tlang zo hnak tun kum June ni 9 nia ah lungkhim leh lo ii. KIA lam in cang thil tawp in acozah ralkap te do teng ii.