8 Nov. 2011 nia ah Chin Sate Assembly ai a vai hnihhnak meeting to tlang ii. He meeting ah minister te hnen an thupoimawh 12 ruat tlang ii. He meeting ai thurelhnak te song ah Chin State ca sumpai thula heh acozah thawn roh ngai in reltlang kul dinhmun ah umh ii. Minister te in Chin State ca sumpai Kyat 25 million (USD $31,645) kuul tiin acozah hnen ah ngen ii. Inapui acozahpui in he sumpai heh Chin state pakhat ca tam ze tiin lungkhim lo ti ii.
Chin state ca sumpai thula heh a hmasa ah Chin State Chief Minister Hung Ngai le sumpai lam tawlreltu te in ruat tlang hnua ah Assembly ah kenghnak ii. Meeting ah sumpai thula ruat tlang fangin Opposition Party te ca ruathlang tuh in caan nai loin tiin reel ii.
Tun dinhmun ah Chin State Assembly khai party (USDP) party leek in fehpui thawn bangrep tiin ruathnak umh ii.
Chin State Assembly ah CPP ai MP 5, CNP ai MP 5, ENDP ai MP 1, USDP ai MP 7 te in rorel ai veksen MP 24 umh ii.
Chin State ah Ministry umhnak te tu: Finance and Planning, Security and Border, Administrative and Industry, Mining and Forestry, Communication and Construction, Agriculture, Commerce, Social, Energy, Transport and Electricity te ii.
Chin State Minister 9 umh ai, cia song ah 2 heh CNN le CNP palai te ii le a dang te tu USDP palai te ian ii.