Kum 60 lai dodun in om, Karen National Union (KNU) te leh Kawlram acozah te khai dodun tuh lo in remhnak signed zo i hang. Kawlram in British Colonial kut songan 1948 a Independent ngah hnua neu pah in KNU te khai amah te ram neu ding tuh in zuam tlang pan ai 12.01.2012 (Nili nia) 02:57pm ah kawlram acozah thawn rem hnak signed zo i hang.
Remhnak bawn tuh ai palai ahlat te tu kawlram acozah lam in konghoi tu Aung Min leh KNU lam in konghoi tu Gen. Mutu Sa Poete i ai Karen khua pui Pa-an, Zwepapin Hotel ah nai ii.
Remhnak bawnhnak arel tlang hnak tu ramri song khat leh khat ah ralkap te duh tawk in vak thil tuh leh kap dun tuh lo hnak thu ii.
Kawlram acozah penghnak Area neu ah KNU Liaison Office dah siang tuh.
Thu dongdan in KNU palai te in Mon State khua pui Moulemin tlawng ngai khaw cen Pegu kawlram khua pui Yangon khua pui hiang dung ai Karen mipui tam hmun te tlawh tuh ai Liaison Office hong hmun tuh ruat tuh ii. Cen Naypyidaw tian khai feh tuh in tumtah hnak nai ii.
KNU palai te
KNU palai te heh Nithum nia ah Pa-an ah hleng ai Karen mi thawng tam ngai in caang ii. Cia zaan ah kawlram acozah rawng ai sawm hnak ah daikil tlang ii. KNU palai te heh KNU Central Committee Members tam ngai lak songin ii. A tel tu te David Taw, Roger Khin, Ah Toe, Aung Maung Aye, Kwe Htoo Win le Saw Johnny te ii. KNLA Brigat 7 an i ai Brigat 5 te zawng tel lo ii.
KNU ding kum
1947 ah KNU ding ii. 1949 ah Karen National Liberation Army (KNLA) nai pan ii. Tun tum ai remhnak abawn hnak heh avai 6 hnak ii. Karen mi 100,000 dung heh Thailand le Kawlram ramri Refugee Camp dung um ii. Mi 10,000 dung heh ram dang ah feh zo ii.