European Union ai Council in Jan. 23, 2012 nia ah Kawlram vum ah tun hlan ah Kawlram acozah palai te amah te ram tlawn thil tuh loin VISA a kham sah hnak heh hong sah hang ii.
EU in reelcathnak nai le Kawlram President Thein Sein le a cabinet member te pawl thawn Parliament ai thureeltu ber mi 2 te tel in EU ram ah tlawn thilhnak hong sah hang ii. Inapui le EU in Kawlram mi tlawn thilhnak heh mi 400 tian siang ii.
EU ah tlawn tuh Kawlram mi te lak ah mi 59 heh tunhlan ai ralkap acozah minung te ii. VISA ngah lo awng te lak ah kin Chin State Chief Minister Hung Ngai khai tel ve ii. Tun Hung Ngai heh Deputy Commander of the Coastal Region Command pervo co beet ii.
EU in tun kum April 1 nia ah Kawlram in kum laklawh Election (Byelection) dinhmun siik in ruat tlang leh tuh ti ii.