Kachin Independence Organization (KIO) le Kawlram acozah te in remhnak nai tuhin tawkdunhnak nai ben hnua zarhkhat hnak ah acozah in Kachin State ah ralkap thar tam roh hlat te te hang ii.
Kachin State ah acozah ralkap ai LID No. 99 te in Kachin Independence Army (KIA) te tawng teng ai cia te heh acozah in MOC No. 1 (Kyaukme) te le MOC No. 16 (Theinni/Hsenwi) ai ralkap te heh hlat beet ii.
Manwin khua ai mipui lam in thil phurhnak ralkap motor heh 29 hnakin tam sawn hmu ai Manwin le Muse karlak ah vaak ti ii.
Zarh hmasa song ah acozah in ralkap 1,500 vum heh KIA ai battalion 8hnak heh Shan State ah hlat zo ii. Shan State ai Shwe pipeline heh acozah in kilkhawl ben ngio hiam tiin reel ii. He Pipeline ben lekhaw Arakan State ai ceetsii (Oil) heh pipe ngaw 2 hmangin China ah kuat thil tuh ai acozah ca sumpai tam ngai lut tuh ii.
KIA officer te in tun heh acozah in ralkap 20,000 dung heh battalion 200 dung ai te khiah KIA kaap cimit ruai tuhin tawlrel teng ai kum 18 song ah acozah in raldohnak in ralkap a hmang tam ber hnak i tuh ii tiin phaung ii.
Dec. 10, 2011 nia ah le Jan. 13, 2012 nia ah Kawlram President Thein Sein in Kachin tawng tuh nawn loin phuang zo napui ralkap in Kachin heh roh te te in tawng ii.