Mizoram acozah in Saikhumphai khua, Champhai District ai Chin mi innsang 17 ai inn heh January ni 28 nia ah siatbal sah sek ii.
Mizoram acozah thunaitu te in Saikhumphai khua ai Chin mi innsang 20 (mi 100 dung) heh January 25 nia hnawta ber in he khua an suak tuhin thu suah awng ii. Hetih ai a hnawthnak heh Mizoram Electoral Roll ah hming tel lo te pawl ii. Thutiamhnak bangin January 25 nia hnua ai umh te ai inn te pawl heh acozah in siatbal sah sek ii.
Saikhumphai ai hnawnhnak Chin mi te heh Mizoram ah umhhmun nai lo ai Chin State (Kawlram) ah tlung ngam rih lo ii.
He khua ah 2008 kum dung ah Chin mi te heh khua upa te in umh sing maan umh hnak tiin reel ii.
He khua ai thubuai heh 2011 kum song ah Sikhumphai khua ai Chin mi te in a dang niu in Village Council nai ve tum le Mizoram acozah in lungkhim lo ai hnawt tum zo ii. He tang ah Saikhumphai khua ah inn 60 umh zo ii.
Saikhumphai khua ah mi 100 ai 95 heh Chin State an kawihnak ii ai hrekkhat tu Village Council committee ah tel te khaiumh ai India ram mi i lo kongin khua upa per te khai umh ii. Ciamaan khua dang le Mizoram acozah tian in he thula ah lungkhim lo ii.