April 1 ai nai tuh hnak bi-election ah Kawlram in zalen ngai in bawn lekhaw European Union (EU) in Kawlram vum ah sumpaihnak lam a khamhnak te pawl hong leh tuh tiin palai te in phuang ii.
EU Economics and Monetary Affairs Committee ai Werner Langen in “Tun ai Kawlram a danglamdaan heh lung i khim ngai” tiin Kawlram acozah hotu te thawn tawkdunhnak ah reel ii.
“EU in Kawlram lak ah sumpaihnak a khamhnak tu April 1 nia ai nai tuhhnak by-election dinhmun siik tuh” tiin Werner Langen in reel ii.
“Kin lingdaan in Kawlram mipui zatek ai 50 hnakin tam sawn heh farah umhhmun ah umh tlang le cia te in tii, lamkhong pha, ceet lam fimthiamhnak te kuul ai sumpai in bawm kuul” tiin reel ii.
E.U Human Rights Committee ai Barbara Lochbihler in, Kawlram acozah in a ralkap te heh amah te umhmun ralkap inn ah lel ruai selai, cia heh a ram song ah mipui thawn do dun hnak com ruaihnak tuh in poimawh ngai tiin reel ve ii.
E.U. Industry, Research and Energy Committee ai Rober Goebbels in a rualpui te thawn Aung San Suu Kyi a tawk tlanghnak heh lung khim tlang roh tiin reel ve ii.