Israel ai thuthang Channel 2 News in Prime Minister Benjamin Netanyahu in Defense Minister Ehud Barak thawn Iran ai nuclear siatsuah tuhin relcat ben dawn hang tiin phuang ii.
Cen Israel ai thuthang lar Yediot Aharonot in khai he konghoitu pahnih te in U.S Election hlan ah Iran tawng tuhin lungkhim tlang ai cabinet lam le President Shimon Peres hnen an lungkhimhnak ngah lai lo thu phaung ve ii. Israel ai official lam pawl in U.S Election hlan ah Israel in Iran tawng lekhaw President Obama ca mithmai hnawm thai tiin reel ii.
Channel 2 News in Israel hotu pahnih te ai ruathnak ah tun heh Iran tawng lekhaw hnuata lam ah nuclear naiin Iran a umh hnua tawng leh hnak tah baai tuh sawn ti ii.
Hrekkhat in tun bangin Iran tawn lekhaw Islamic Republic ram te ca Nuclear hmangin hmai nor tuh hnak kum 1 kum 2 dung in hnua ruai thil ti ve ii.
Zarh hmasa ah Netanyahu in Sinai tlang hiangah misualral te in siatsuahhnak thula ah, “Israel mipui in aisu khai rinsan phai nai lo ai amah lala ring kuul dinhmun ii. IDF loin he ram humhimhnak heh perva lang ben lo ai hetin feh pui tuh,” ti ii
info