FORHFIALNAK
By Fung Ro Zam (JS Zama)
Dear Zanniat Sumthang sungkua,
1. Kan sung kan hnam phatsan hlah la, rinum ten ding aw.
2. Kan sung kan hnam duhdawt awla, na hnam hrang ttuan aw.
3. Kan hnam hmuhsuam/siatbal tu cu, kan râl ti thei aw.
4. Unau thlauthla awlo ten, na hnam kilkhawi (him) aw.
5. Pathian in, tong in pek mi kan hnam (zanniat) tong in, lairel thei tum aw.
6. Kan hnam ti mualpho tu silo in, a cawi sang tu si tum aw.
7. Zirnak uar awla, ttuan hreh nei hlah!
8. Tlawmngai nak nunpi awla, mi dang hrang nun tam(thlasuah nak) nei tu si tum aw.
9. A sual mi do awla, thu dik ah ralttha zetin ding ngam aw.
10. Kan sung kan hnam a tthansoh thei nak dingah, na fimthiam nak hmuah2 suah aw.
11. Kan hnam nunphung ngaisang aw.
12. Kan sung kan hnam a dam khawsuah thei nak dingah Pathian hnenah kan sung hrang Thla cam ring2 aw.
13. Ziangkim na tuahnak parah Pathian thu râwn aw.
14. Kan sung kan hnam kan pumkhat ring2 thei nak dingah tesinfa thinlungah Ci ttha tuh aw.
15. Kan sungkua inlaiciin nakih salu sataw, Ar thlahual, Rawlkho…tvp ah, na mawhphurh nak hlen aw.
16. Kan sung hrang thih le ruamkhat ah, Dam le tlangkhat ah tiin, lungthin pu aw.
17. Zu le sa, rittheih sivai pawl zianghman khawih hlah!
18. A cozah duh loh(khap) thilin süm dâwng hlah!
19. Nat nak ttihnung AIDS lakah ralring aw.
20. Khui tawk hmun thleng khal awla, kan sungkua nghilh hlah.
21. Kan sung hrang na fimthiam nak lawng si lovin, na thazâng na sumsaw tiang thawh(pe) ngam aw.
22. Sungkaw lakah bulpak in simaw, a hrin zawngin simaw in lak hran tum hrim2 hlah!
23. Kan hnam ah lungawi ngam awla, mi va hmuhsuam hlah!
24. Kan sungkua pehtlai awk nak a tthat sin2 thei nak dingah napin zuam aw.
25. Kan sungkua kan pum khat sin2 thei nak dingah Rawl ei khawm nak kumkhat vawikhat tal neih thei tum ding.
26. Ziang hnam khalin Zanniatsumthang mi, pasal ih a neih hnu2 cun, Zanniatsumthang hnam ah fek zetin a ding ngam dingih a phatsan thianglo a si ti a pawm ngam bawk ding a si.
27. Kan Sumthang makpa(hnam dang) pawl lakah thinlung sia pu hlah la, thlei dang lo ten, na sungkua vekin zoh aw.
28. Van siat van tthat, thu pipa, thu pawi mawh na tawn caanah, rel khawm dingin sungkua ah thu/hla pu lut zelaw.
29. Kan sung kan hnam mi hmuhsuam zawngih buainak na tawn pang le sungkua ah zamrang ten thu thlen aw.
30. Na Pathian tawng dingin ralring(timtuah) aw.
Js Jama
Aizawl
* * * * * * * * * * * * * * *
Dear , ZANNIAT
SUNG KUA
Kan sungkua hi thlau thla aw ding kan si lo. Kan sungkua kan thansonak dingah nang le kei kan thupi a si. Na tel lo le ka tel lo cun kan sungkua kan kim lo a si. Cuiruangah a thuai ih ka ngan mipawl hi kan ruatcio pei uh.A tha nan ti zawng teh a si ve maw?
1. A hmaisabik ah kan sungkua inhruaitu dingah Pathian ka thlan a tul.
2. Kan tawng kan thlauthak lonak dingah intin in kan Zanniat Bible kan kawl fingfing a tul.
3. Kan sungkua inhruaitu dingah le kan thu le kan hla kan reltheinak dingih lam inhruaitu hmaisabik umsun cu, Pathian thu ih siih kan tan a tul.
4. Kan Zanniat tawng ih thu hla rel hi kan ti ding mi le kan tum ngei ngei ding mi a si. Zanniat Cabu le Zanniat Bible kan siar theu ding a thu pi.
5. Mai tawng thiam lo sihi kan tumding a si loih thiamtheinak lamzin a um ih, a umnak hmun ih kan ngaithlak le kan feh theu dinghi kan ti dingmi a si.
Cu mi cu kan thu le kan hla kan zir ding mi hi a si.
6. Mai sungkua le mai phunhnam duhdawt ih kan sungkua hrangih kan tuan tak tak a tul.
…
info