Na hming vancung ah ngan in om zo awm? (Luka 10:17-20)
Ithnak ulenau veksen
Van cung ah kin hming ngan in om zo le om zo lo heh kin fiang tlang hang awm? Kin fiang lai lo pang ile khaw tun kum kumthar 2011 ah kinmah pumpak ten sik dun sal nga sing ih ti ning sawm i hiam ii.
Hming ngan/khum a awm ti heh ai su in khai kin daih ten de i Tlawngah i tu seh, Zungah i tu seh, Biak inn ah i tuseh, Fellowship ah i tu seh kin hming cazin heh khum/ngan in om kin daih de i akul hnak peupeu khai ii. Cia tin ngan lek i lo ai ahmu saber lamah ngan tuh le laar roh tuh khai kindaih bet am lai de ii.
He ta zai tu rel i hiam i ti fangin he lai lung vum menma ah rin hming ngan ai om ti hnak heh thu pui ngai kul khai kin kul ii daih khai kin daih roh ii, cia hlai ah mi hmuahhmuah in ling tuh le khon zongzaha kin thang tuh heh kin daih am de ii. Inapui kin sangtumi te (Christian) te ai kin kul hnak le thupui hnak ber tu le lailung vum ah hming ngan ai om i lo ai vancung ah kin hming ngan ai om hnak heh thu pui ber hnak ii. He lai vum ah kin hming heh laar ngai in mi hmuahhmuah in lo kin ling ta khal se lai Van cung ah ngan in om lo ai Pathian in kin hming ling lo pang le khaw zai tluk in kin hrangah laukul in poi leh tuh ii ruat tu ve pan..
He ta (Luka 10:17-20) lam kin sik fang in Jesuh ai ahlat hnak te mi sawmsarih te ang ngai in let tlang ai Jesuh hnenah Bawipa khua vang te in khai nahming in neh i ing tin angngai in rel tlang ii. Ikhal selai Jesuh in khuavang te in ningthu ning ngaiai neh man in aang mah ih ciatah in vancung ah ning hming ngan in om zo man in aang tu sawn ih, tin sawn ii.
Mi sawmsarih te heh khuangvang te hnawn ben nehben man in ang tlang ngai ii. A mah tetu Jesuh in kin an ngai tuh i tin ruat tuh napui i inapui Jesuh in tu khuavang te in a thu ngai man aang menma tuh daih lo i inapui vancung ah ahming te ngan in om zo sawn man ang tuh diah sah ii. Nang le kai khai thil dangdang ah lo kin ang ve menma ngai khaw inapui vancung ah kin hming ngan in om sawn man aang tuh sawn i sing khaw heheh Jesuh in kin daih sah hnak ii. Kin nunhnak ah laivum ah thil kinti ben hnak man maw, hming thang hnak man maw, lian hnak le nuam hnak man maw lung kni khim ai kin ang tuh menma heh alau kul ngai ii. Ciatah ai kin hming vancung ah ngan in om zo awm ti heh ling kin kul ngai sawn ii kin hming vancungah ngan in om zo i le hemi heh nang le kai ai kin ang hnak ngaw ber i tuh i khaw….
Mi pakhat heh vancung ah a hming kontin ngan ngah thil ni ?
Van cungah hming ngan a om tihnak heh thu dang pui in ruat ngah thaipang i sing vancungah na hming ngan ai om tuh heh thu dang pui i lo i Jesuh heh i O tu le i tlan tu i tin pom ben le co hlang ben na kul ii ciatin Jesuh heh i O tu le i tlan tu tin na pom ben ai na sang ben fang in Pathian in a fapa tin na cohlang ve ai na hming khiah a in songsang cazin vancung ah na ngan ve i hang.(Johan 1:12). Ciaman Vancung ah hming ngan ai om tuh ti hnak heh thu dang pui i lo i Jesuh khiah i O tu le i tlan tu tin napom ben nia khiah vancung ah na hming ngan in om nia i zaiman ti fang in Jesuh amah lek heh Pathian hnenah kin feh thil hmun lam pui lek ii(Johan 14:6)
Ulenau na hming tang vancung ah ngan in om ve zo awm tun caan na fiang zo awm pha neu in ruat tlang nga sing ih heheh kin laivum nun songai athu pui ber kin lingkul hnak ii he lailung vum ah kumkhua om tuh lo ising cia lailung vum pui bo caan fang in nang a konah feh ve nga si vancungah na hming ngan in om lo pang le ciacan ah poi ti lek in na liam tuh menma i khaw…
Kin khuapui ngaingai tu kin hming ngan hmun vancung ah ii
He lailung vum ah nang le kai heh mikhual i sing khual tlawn vak li bang menma ising..Saam laa ngan tu pa in cia thu aling fiang ze man in (Saam 119:19) ah helai vum ah mikhual ing tin lo ngan ii kin Zanniat Bible ah tu (laivum ah caam khat lek um ing) tin let i mirang versing dangdang kin sik fang in (stranger) tin lo lek hmu tam ising (stranger) ti hnak tu hmu aunglo hnak ilole mikhual ti hnak ii. A ngaingai ah khai he laivum ah mi khual peu ising zaiman ti fang in ninikhat nia ah he lailung pui bo tuh lai ii inapui cia caan ah vancung ah na hming ngan in om zo i le khaw ciata na hming ngan hmun van cung ramah om tuh ve i si.. Paul in (Heb 13:14) ah kin caa he laivum ah kum zangza ai kho khua um lo i, a hleng tuh laihnak khupui leek caun in hlir ising tin ngan ii. Ciaman he kin om hmun laivum pui heh kinkhuapui ngaingai lo ii ahleng tuh lai hnak khuapui iang sawn i sing ciakhuapui tu ha hming ngan ai om hmun vancung khua pui ii.
Ulenau cia khuapui ah na hming ngan in om ve zo awm?? Cia khuapui ah na hming ngan in om lo i le khaw he lailung vum kin khuapui ngaingai lo bo fang in cia khuapui ah lut thil ve tuh lo i si khaw zaiman ti fang in kinkhua pui ngaingai tu kin hming khum/ngan ai om hmun vancung ram sawn ah ii…
Kin hming khum hmun vancung khua ah ai su te feh tuh ii?
He laivum tu kin khupui ngaingai i lo man he laivum pui bo fang in feh tuh hmun pa hnih (2) nai i sing ciatu kin hming ngan ai om hmun vancung khupui leh kum khua rem hnak hmun hell mai pui song ah ii. Ciaman he van cung khuapui ah heh Vancung ah hmng ngan ai om tu te dian lut thil tuh i vancung ah na hming ngan ai om lo pang i le khaw laivum pui bo fang in vangcung ah lut thil fehthil tuh ve lo isi vancung ai hming ngan cia ai om lo te tu vancung ah lut thil tuh ve lo a iman hell ah feh tuh ii. (Thulaar 21:27) ah tuufaa nun hnak laaibu songai hming khum cia tre lek cia khuapui songah lut thil tuh ii. tin hmu i sing.. Ulenau na hminga tang ciata ngan in om zo awm? Van cungram feh tuh luttuh hnak ah kin hming ngan in om kull ii.
(Thulaar 20:15) a kil sik sal fang in Nunhnak laaibu song ai hminbg tello tu te tu maipui songah lon in om ii ti hmu thil sal ising.. Nangle kai vancungaah kin hming ngan in om lai lo i le khaw kinfeh tuh hmun tu khumkhua tuar hmun hell mai pui ah i tuh i khaw zaitluk lau kul ii… Ulenau tun ah kin nunhnak pha neu in sik dun in ling fiang dun tum nga hang sing kin caan heh a nong ze ihang nang le kai kin hming vancungah ngan in om lo pang le kin covo ciah hell mai lek i tuh i khaw vancung ram co tuh hnak le feh tuh hnak ah kin hming khai vancung ah ngan in om kul ii…
Ulenau te ciaman in nangle kai he lailung vum ah om kai kn i bang pah in laivum thil ah nuam pakpo in om menma pang aw sing im…. kin hming te vancung ah ngan in om zo le om lai lo ling fiang hang aw sing im??? he lai lung vum pui khiah kinhrang ah kum khua kin om hmun i tuh lo ikhaw.. Cia caan ah nang le kai a kon ah feh tuh ti kin fiang zo awm?? Jesuh rori in thil dang dang thil kin ti ben hnak man aang tuh men ma kin daih lo ai kin hming vancung ah ngan in om zo sawn man in aang tuh kin daih sawn i khaw… Nang le kai kin hming vancung ah ngan in om zo i le khaw ciaheh kin hrang ah kin aang hnak ngaw ber i tuh i..
Jesuh in vangcung ah na hming ngan in om zo man in aang tuh na daih roh ii cia aang hnak nang in tang co ve zo aw sim ulenau……………………
A siar tu ulenau ning vek sen vum aah Pathian in a catlo in hmuifu lo ning burh tu amam se law…
Ngan sual hnak le ling sual hnak te lo i rem sah bet tuh in ning sawm bet i hiam fawm ii..
Angze
Miphun ittu tio le daih sahtio tu
Salai Van Bawi Thang
Chennai
South India