Ai su bang miphun, mihing te heh mi hmuifu tin ko ii?
Pathian heh kin naitu i tin apom tu miphun te heh mi hmuifu ii.(Saam 33:12)
He ta saam labu a ngan tu pa in Pathian khiah a Pathian ai naitu miphun te khiah mi hmuifu i tin lo ngan ii. Cia hlaiah amah mi phun tuh ai a ril tute miphun khiah mi hmuifu i tin ti bet lai ii (Saam 33:12). Khua hlan lai lam pah miphun heh tam ngai lo om aung zo ii cia lak song an Israel miphun te heh Pathian in amah a nai tu tuh miphun in l ril aunga hnak ii. Israel te khai Pathian heh kin miphun nai tu Pahtian ii tin a pom ben fang in Pathian in hmuifu pe ai a kaam hnak ram canan tian lo hoi aung ii.
I napui tun kin saan ah Pathian in a fapa thawng in ai su miphun tin ril lo hang ai kin vek sen in amah miphun i tuh in kin daih sek ai kin ril zo i hang kin mah in kin nai tu miphun tin kin pom ben le ben lo dian i hang.
Tun nia cia miphun tam roh lakah nang le kai Zanniat te khai miphun pakhat Pathian in kin bawn hnak ve i sing. Nangmah na hiam man le na hiam lo kong in Zanniat i lo i si amah Pathian in Zanniat miphun i tuh hrimhrim le Zanniat pon hmang tuh in na bawn hnak hrimhrim ii. Kin Zanniat miphun hmuifu kin dong thil tuh hnak le khang so thil tuhhnak in ahmu saber ah Pathian heh kin Zanniat mi phun nai tu Pathian i tiling kin kul hmu saber ii. Ulenau lai lung vum ai om tu I Zanniat puite Pathian heh kin Zanniat miphun nai tu i tin hmu
saber ah dah ben tio aw sing im? Saam lai ngan tu pa in ciang ngai in kin rel ii cia tih in dah ben pom ben tio lo ile sing khaw kin Z.C.F ding san hnak te khai ham kho thil tuh lo i khaw. Inapui Pathian heh kin Zanniat miphun nai tu i tin pom ben tio ile sing khaw amah Pathian in hmuifu kin pe tuh tio ai kin khang so tuh amam ii.
Cia hlaiah nang kai miphun lek i lo in kin pumpak neu hnak tenah tang Pathian heh kinnai tu iawm ti khai ruah tuh tam ngai om ii. Tunnia ah na nai tu le na sanghnak ling fiang hang awsim? Paul in tu (2Timo 1:12) ah i sang han ai su ti ling fiang ing tin ti ii. Ulenau nang le kai tang pawul bang in isang hnak aisu ti ling fiang in tin pong ngam tu le rel ngam tu i aw sing im? Tunsan heh sansia i hang lailung vum ah zai cam tian kin nungtuh ling lo i sing ciahlan ah kin naitu ling fiang kin kul ii. Tun heh acan i pha neu in ruat tlang nga sing ih cia tin kin nai tu kin sang hnak ling fiang le sing khaw mi hmuifu lek i lo ai kumkhua nun hnak co bet tuh lai i sing.
Amah kihzah tu te heh mi hmuifu tin ko ii.(Saam 128:1-4).
(Saam 128:1-4) kin sik fang in khai ai su bang te heh mi hmuifu i ti hmu thil lala i sing cia te tu amah kihzah tu te ii.
Pathain kihzah ti hnak heh zai tu ipa?
(Thufim 8:13) lam sik i le sing khaw Bawipa kihzah heh sual hnak cim ii hngal le puar, lamkhung sual te, pong diklo cim ii tin ngan hnak hmu thil i sing. Cia man Pathian kihzah ti hnak tu sualhnak te cim ai Amah Pathian tuhu ngai ai Amah daih dan bang in nung tuh ti hnak ii. Abraham nun hnakah zai tluk in Pathian kihzah ai kon tih tian in Pathian in hmuifu co ti ling thil hmu thil i sing.
Abraham ai anunhnak ah Pathian a khihzah dan(Semtir 22:1-19)
Pathian in Abraham hnenah a ithnak roh afapa naihsun amah hrang ah thawihnak pe tuh in ngen fang in el lo neu in feh ai thawihnak pe tum ii, inapui thawihnak ape tuh ngaingai fang in vangcung mi in vancung in Abraham nafa pa rek mah avum ah zaikhai bawn mah na fapa naihsun i hrang ah na siang man in Pathian Kihzah roh i si ti na ling zo ing tin ti ii, he ta (Semtir 22:12) ah Abraham ai Pathian kihzah zia ngan hnak hmu thil i sing. Ahnia lam kin siar peh vivo fang in (Semtir 22:16) ah Pathian a kihzah hnak man in hmuifu tampui pe tuh in Pathian in kam hnak pe ii. Amah Pathian kam hnak bang in Abraham heh mi hmuifu lo i peupeu ii. Pathian a kihzah zia Pathian in aling fang in amah le mi hmuifu i lo ai a Miphun pui tian in Pathian in hmuifu kam ai hmufu lo pe ti heh(22:19) fiang ngai in hmu thil fawn i sing.
Ule nau he Abraham nunhnak kin sik fan gin Pathian kihzah ai mi hmuifu a i zia hmu thil i sing. Nang le kai tun nia canah mi hmuifu kin hiam i le Pahtian heh kihzah hmusa kin kul i cia fang dian mi hmuifu mi i thil tuh i sing. Cia lek i lo kin mah manin kin tefa kin miphun tian in hmuifu co thil tuh i sing, Pathian hmai ah mi hmuifu heh zai tluk in asong lawi ii………….
Ulenau mi hmuifu mi le mi hmuifu Miphun kin i tuh hnak in ahmu saber ah Pathian heh kin miphun nai tu iti ling kin kul ai amh kihzah khai kin kul fawn ii. (Thusimtu 12:13) sik sal i le sing khaw Pathian kihzah hnak heh mihing te hmuahhmuah ai pervo ngaw ber i ti hmu thil fawn ising. Tunnia can ah mi hmuifu Miphun,Pa,Nu i hang aw sing im? kin i thil tuh hnak in kinmah pumpak ten ah pervo nai i sing… Mi hmuifu Miphun,Pa.Nu i tuh tio hnak in hmai lam ah zuam tlang teng nga sing…………….
Ngan sual hnak te le ling sual hnak te i lo ngai thiam tu ih tin……………………….
Zanniat miphun it tu le khangso tuh daih tu tio
Salai Van Bawi
Chennai