Kin Pon le Calai kilkhawl nga sing

Kin Pon le Calai kilkhawl nga sing

TluangkipthangDear veksen,

Laivum ah miphun paai le pon paai tam ze hang. Chin miphun song ah Zanniat tu tem niu ii sing. Zaikom kin paai berh ni maw? Tluanthu (History) ah Zanniat tihnak umh awng ii tihnak hleng thai lai ii.

English bangin laivum huap ben loin khai a paai tuh tian tu siang hlah sing khaw.

Kin paai tuh loin Calaai lam in hetin ruat singlai?

1) Thuthang le Magazine:
Cang thil selai tu a man (price) umh lo tian in thuthang (News) heh Zanniat mi veksen hnen ah hlen thil selai. Laai (paper) in print-hnak thuthang le Magazine te pawl khai mi tam ber kut ah hleng thil selai. 2008-2011 kum dung tian Delhi le Mizoram ah Zanniat Thuthang laaihnah in print de le Laitlang lam tian rin zem li awng ii ing. Cia bang in bawn tio ben singlai tampui kin khangso tuh ii.

2) Technology
Tun san tu Technology san i hang. Mi tam sawn in Internet le TV siik kin hiam hang. Ciamaan Mobile phone ah Zanniat pon hmang thil, siar thil, laai hlat thil daan Technology kin kuul nai ii. Cang thil selai, English-Zanniat Dictionary rin sumsaw in lai kuul loin Internet ah dah in a daih daih in downlod-in hmang tlanng thil selai. Youtube le Vimeo te bang free Online video dah thilhnak ah Sermon, Music, Movie le Documentary te pawl heh Zanniat pon in siik pha tampui umh selai.

Radio rin a ngai hiam te pawl in tangka pe kuul loin Station in kin hlat sah hnak a hiam hiam in zalen ngaiin ngai de le tampui phathnemhnak nai ii sing.

Online ah Zanniat pon in thuthang siar pha umh tu ve seh tiin www.zanniat.com heh 2009 kum ah Aizawl ah dinh awng ai tun tian nung ruai ii sing. Cang thil selai tun ai  a hmasaber kin bawnhnak English-Zanniat Dictionary laaibu rin Mobile phone ah a daih daih in tangka in lai kuul loin hmang thil in bawn ben singlai i daih ngai ii. Mi tu Android phone ah amah te pon Dictionary Software nai liang zo hang ii.

I hmuhnak pakhat tu kin Kawlram lam mi heh a ngah tuh ian kin daih de le mi zem ve kin hiam de lo ii. Western ram mi te bangin Online ah mah linghnak le hmudan te pawl zalen ngai in rel dun kin hiam lai lo ii. Youtube menma ah rin fimthiamhnak lang pha le siik hiamhnak a dim in sumsaw in lai kuul loin a dim in umh liang ii. Western te bangin mi thawn hmang tlang, zem dun hiamhnak Sharing le Feedback heh kin sam ngai ii.

Thil bawntu te in tu a miat (Profit) i lo lekhaw a bawn man (Cost) ngah tuh lo lekhaw lungkhim lo thai ii. Sum-sihnak (Business) rori kin hiam i lekhaw a daan dang ii. Kin mit varhnak tuh le kilkhawl dunhnak sawn thupui ah dah hrang ah tu a vum ai i ruathnak heh kuul ngio in hmu ing. Mipui hrang thil pha bawn kongin Business bawn thiam te hrang tu remcang sinsin ii.

Daihsahhnak thawn…

Salai Tluang Kip Thang  Zanniat Laizo
“Think Globally and Act Locally”

Ottawa, Canada

Only registered users can comment.