Ramsong ah cozah le mipui karlak buaihnak maanin Zanniatram huap in humhimdun kul dinhmun in umh ii. March 30, 2021 nia ah Zanniatram le Sagaingram karlak khua lakah Tatmawdaw le mipui thawn maithal in kaapdunhnak tian in rin hleng ai, Zanniatram lam in bawm kul in umh ai, Zanniatram mi pakhat thihhnak tian in hleng ii.
Rampua lam thawn ramsong harsahnak le kulsamhnak reltlang in bawmdun tuhdan ruatin laivum huap in copcilh lentlai (Emergency Meeting) heh Salai Tluang Kip Thang hmang in April 3, 2021 nia ah Internet (Zoom) hmang in tawkdun hnak umh ii. He lentai in ramsong le rampua in mi 40 tel ai, thureltlanghnak tuh committee ding tuhin relcat ai, ram cang in Zanniat in pawlkom ding cia te hotu le songper te tel sio in sawmtu tuhin Salai Tluang Kip Thang in pervo lang sah tuhin relcat ii.
Ramsong konghoi tuhdan ruatin April 4, 2021 nia ah Lumte khua ah upa 16 thawn lentlaihnak nai in Zanniatram Humhim Pawlkom (ZHP) ding ai, ZHP ca committee member mi 9 ril cih ii.
Ramsong le rampua pehzomhnak le thureltlang thil tuh tio hnak tuh ruatin April 10, 2021 nia ah Internet (Zoom) hmang in tawkdunhnak umh ai cia lentai ah ramsong (Laitlang), India, Malaysia, Australia, Canada le USA in pawlkom palai te tel tlang in thurel tlanghnak nai in hetin relcat ii.
1) Lavum huap in ZHP ah ram cang in tel tuhin lungkhim ai pawlkom hming heh International Zanniatram Humhim Pawlkom (IZHP) i tuhin lungkhim ii.
2) IZHP ca ram cangcang thawn pehzomhnak le thureltlanghnak ah pervo lang sah tuh tuh mi pakhat ril tuhin lungkhim ai, cia pervo heh Secretary General (SG) i tuhin lungkhim ii. IZHP ca Secretary General heh Salai Tluang Kip Thang in pervo lang tuhin lungkhim ii.
3) IZHP ai SG in ram pua lam in ramsong ca bulpak le pawlkom in bawmhnak veksen in ling kul ai, ramsong le ram pua naperhnak hmuah khawmtu le lentai sawmtu i tuh ii.