Kawlram ai Ministry of Mines in Kawlram song ai acozah thuthang pakhat The Voice tihnak heh tayazung ah daantat tuhin phuang ii.The Voice thuthang in March 12 nia ah Ministry of Mines in Monywa ai a naihnak 100 ai 50 (50%) heh Union of Myanmar Economic Holdings Limited (UMEHL) hnen ah zuar le UHEHL in tangka pe lo ai ramdang company sawn in lai sah tiin phuang ii.
Ministry of Mines hnen ah tangka heh US$ million 100 ii. Inapui le Ministry of Mines in he thu heh dik lo, zawndunhnak zai khai om lo tiin The Mirror thuthang ah reel ai kang le The Voice thuthang sawn heh acozah tayazung ah kuat i hang.
The Voice thuthang lam sawn in he thula heh Union auditor-general in Lower House ai Public Account Committee hnen ah a pehnak Report laaihmai 36 omhnak ah ciang ngai in nganhnak tiin reel ve ii. The Voice in Ministry of Information, Ministry of Mines, Ministry of Agriculture and Irrigation, Ministry of Industry 1 le Ministry of Industry 2 te in he sumpai heh dik lo ngai in hmang tlang tiin phuang ii.
Auditor-general ai report laai ah Ministry of Information in acozah sumpai dik loin a hmanghnak heh Kyat million 250 (US$ 316,000 dung) tel ii.
info