[portfolio_slideshow]
Itthnak phunpui te,
Kin Zanniat fate khai lailvum khua le ram cangcang ah awm napui khal singkhaw Pathain in kin Miphun kin haisianglo ai tunnia tian a kilkhawlhnak le hmuifu cotlang singai, A vai ( 1 ) hnak tuhin Zanniat Rauhla Khawmpui tianin nai ben ve hang i sing.
He khawmpui ai a teltu Zanniat fate’n nisiar thu zirhnak te naitlang ai, Rauhla, Nuncakhnak, Khangsohnak le Miphun iithnak te a tharin co tlangthu kin mit rori-in hmupha khai awm i hang. Zirhtu Saya te, Banner ( Zuk ) ai sawmdunhnak ah fiangngai in hmuthil kin i bangpahin, Pathain talen kin pehnak tten hmangin zirhhnak naitlang de ii. Man-dat songah Upa tehmuah zirhnak nai ai Mino le Napang te khai Biakin dangdang ah zirhhnak nai ttio de ai, kin Mino songai a zirsuaktu in khai Miphun kin pai dan thute relai Pathain kin bawnhnak Miphun phunkhat ve i sing tihnak fiangngai in lingve thu te khai i rel ii.
Khua tluangai a kawitu mikhual khai a veksen 250-300 karlak dung hleng thu rel ii, zaiman tifangin a hrekkhat man remcanglo te tlung ai mithar khai hlengbet tengto de man ciangngai in mikhual hlengzah lingfiang thillo hnak ii. Chuangkhuah khua hiang cingkim ai awmtu tekhai (Kalay,Tahan,Letpanchuang ect..) lamte khai lehlang in thuzir kawitu khai awm de ai, khawmpui a benzan heh minung 1000-1500 karlak dung he khawmpui ah telben ai i nunsong ah Zanniat minung i hmu tamber tum i ai, i thinsong anghnak in mithli i far ii. Anghnak thawn i dimruai ii.
Hemi khawmpui ai a hlengtu Zanniat fate Pathian naper hmuah May hla ni 28-31 tian Lumbang khua ah tawkdunhnak nai tlang tuhai hmailam ai kalsuan ai feh zainzo tuhdan te reltlang tuhin khai thu awm sal zo i hang. Ciata hmun ah zaikawm ah hebang khawmpui nai ngai sing, bawn leh sang nga sing ti te reltlang tuh in thu hlum tlang ii.
Thu sauze tuhman a hnuataber ah hemi khawmpui caa tuhai sum le pai thawn ai kin bawmtu unau Canada te hmunai Tangka kuathnak khai kaimah Zam Luai Thang in phurai kawlram tangka in Ks.436179/- heh , khawmpui sumsaw kilkhawltu EBC Pastor Van Biak Sang hmunah pe ing tikhai thu ningthan bet ing ai Khawmpui ai konghoi tute 1) Rev Run Hnin ( Leader )
2) Rev Lian Khua Thang ( Secretary )
3) Pastor Van Biak Sang ( Treasure ) te konghoihnak in khawmpui hiam le angngai in ben ruai tlang i ing.
Note: Hemi khawpui ai thu le laa zawthnak le linghiamhnak nai te in a hnia-ai konghoitunte hmunah zawt thil ii.
Rev Lian Khua Thang Contact no. 947079099
Pastor Van Biak Sang = = . 949317481
Rev Run Hnin revbrunhnin@gmail.com
ah pon thil ii.
Anghnak tampui thawn,
Zam Luai Thang
Aizawl.
info