Sat. Jun 22nd, 2024

Chin National Front ai Chairman thar Pu Dr. Za Hlei Thang le Canada ram Ottawa khuapui ai Falam Township ai upa te thawn Chin politics thula roh ngaiin zawtdunhnak nai ii.

Pu Za Hlei Thang in 21 – 24 tian Ottawa ah naai nai ii. June 22 zan ah Ottawa ai Chin mi upa te thawn zanfak aitlanghnak nai fawm in tawkdunhnak nai tlang le 23 zan ah tumce nio in Falam peng mi ian thawn tawkdun in roh ngaiin thu zawt dunhnak le eeldunhnak thawn Chin politics ah lungrual kuul dan le harsahnak te reel tlang ii.

Pu Za Hlei Thang in thu a reel pan hnak ah Chin politics heh a feh tuh hnak bangin feh zianzo zo ai, thil heh a cang tuhhnak heh cang tuh thotho hang i maan kin Chin mi veksen ca ruat in hetin Chin National Front (CNF) ah tel in Chairman tian pervo langhnak thu reel ii.

CNF ah tel tlang tuhin Pu Za Hlei Thang in sawmhnak thula ah tun kum ai dinhnak Institute of Chin Affairs (ICA) thula thawn khai roh ngaiin Falam le Chin karlak thula ah roh ngai in ruat tlanghnak nai ii.

Pu Za Hlei Thang in, “Kum 23 song Chin veksen ca naper zo hnak pawlkom umh zo ai, tun fangin a thar in a hampan tihnak heh ruat pha tam ngai umh ii. Falam in Politics ah a ham pan tio kin cang ai cia teng fangin CNF in kum rai ngai fehpui zo ii le a umh cia hnak song ah tel in kin daih lohnak le Hakah le Thantlang lam mi ian in daih bangin Chin politics mer thilhnak heh kin daih bangin tawlrel thil tuh sawn ii. Tun ah CNF heh tun hlan ai bang i lo hang ai thunaihnak sangber Supreme Council heh Township le miphun khim in dinh zo i maan he pawlkom ah Chin mi veksen tluk tel tlang zo, amah khai Falam peng hmingin tel zo i maan he pawlkom ah Hakha le Thantlang te ian in thu nai thil lo hang.” tiin reel ii.

Cen, Falam mi veksen kin tel ben loin khai Chin veksen huap in naper tlanghnak ah a telhnak heh Politics lam in nehhnak co pah tho tho thu khai reel ii.

Tun heh Chin politics ah Kawlram acozah in upathnak le a pon hnak pawlkom umhsun heh CNF ian ii le acozah thawn naper tlang tuh tete i maan ramsong lam ah CNF hmangin khangsohnak phuncang bawn zianzo fangin CNF ah teltu le tel lo tu karlak ah ram song ah khangsohnak a tam le tlawm umh thai thu khai reel ii.

Pu Dr. Za Hlei Thang heh CNF ai Supreme Council ah Chairman ii ai Chin National Army (CNA) khai a kut ah umh le rerelhnak ah a lungkhim lo hnak umh i lekhaw UNO ai Veto Power hmang bangin CNF ah Veto Power nai thu khai reel ii. A term heh kum li song ii le a hnia ah bawmtu Chairman 3 umh ai kum siar thleng tuh le tun kum heh CNF office ah amah te Chairman ii. Amah Chairman a per lo song ah khai CNF ah a lu ber i hlen thu khai reel ii.

httpv://youtu.be/2Dq7rUb3Z3E

httpv://youtu.be/K279RxyprEY

httpv://youtu.be/Q-Z1dw1YAgQ

Related Post

2 thoughts on “Pu Za Hlei Thang le Ottawa, Canada ai Falam peng upa te thawn Falam le Chin politics reel tlang”
  1. CNF cu Haka & peng dang pawl do awk nak simaw…. CNF rak din tu mipa 4 in din daan a rak thiam lo simaw? A thiam pawl in le nan rak din fawn lo…..

  2. Falam in an dinh ih, midang thawn ttuan tlang ih, midang an neh lo si bik ding, an suak thluh sal. Cu hnu ah Falam in Ralkap phunphun an rak dinh, tu ni tiang CNF an tluk lo si ding

Leave a Reply