U.S President Barack Obama in Caninia ah ni 3 song Kawlram tlawng tuhin suak zo ai election thar om leh hnua ah tun heh Asia ram a tlawnhnak hmasa ber ii.
Obama in Thailand, Myanmar (Kawlram) le Cambodia ram ah com tum ii. Tun tum heh Kawlram tluanthu ah U.S President in Kawlram a tlawn thula heh thil poimawh roh i tuhin ruathnak om ii. White House lam in tu tun tum a tlawnhnakheh Kawlram heh Democracy ram ah cang tuhin dawng hong ruaihnak tuhin ruathnak nai ii.
Deputy national security adviser Ben Rhodes in tun tum Obama tlawnhnak in Kawlram song ah ram nai miphun thawn tawnduhnak thubuai te khai tel tuh ti ii.
Rhodes in Obama acozah in tu Kawlram in North Korea thawn pehzomhnak heh cat ruai tuhin daihnak nai ai tun khai tam ngai danglamhnak om hang ti ii.
Tun tum President in Kawlram le Asia ram a tlawn tuh thula heh Middle East buaihnak maan laivum in thupui in hmu ze lo thai ii. Obama in Tlawngkainithumnia zinglam ah Washington ah lel leh tuh ii.
info