Acozah in lungkhim lo hnak pawlkomte nai napui ram pum huap remhnak laai (nationwide ceasefire agreement [NCA]) ah hming ngan tuhin NCA thula reltlanghnak ah ethinic armed organization (EAOs) ai teltu veksen tel tuhin lungkhim tlang ii.
September 9 ah President Thein Sein le acozah minister-te pawl le EAO hotute thawn tawkdunhnak ah NMSP Chairman Nai Htaw Mon in “He remhnak laai ah hming nem tlang tuhhnak ah tel siang lo hnak pawlkom umh heh thil pha i lo ii”, tiin rel ii.
Acozah lam in NCA ah tel tuhin a daih lo hnak pawlkomte tu Myanmar National Democracy Alliance Army / Kokang Group (MNDAA), Arakan Army (AA), Ta’ang National Liberation Army (TNLA), Lahu Democratic Union (LDU), Wa National Organization (WNO), le Arakan National Council (ANC) ii.
Kachin Independent Organization (KIO) ai Vice-Chairman Gen. N’Ban La in, “Tel le tel lo pawlkom umh heh ram pum huap remhnak i thil lo ii. Ciamaanin pawlkom pakhat niuniu sawm ai remhnak bawn loin veksen sawm ai tel in rel tlang kuul sawn ii.” tiin rel ii.
Acozah lam in tu AA / TNLA thawn NCA ah hming ngan a siang tuh lo napui pawlkom pakhat niuniu in a ce in remhnak bawn tuh ai cia hnua ah thula rel tlang tuh ti ii.
August hla song ah acozah lam le EAO ai palai te pawl lungrualin NCA lai ngan tlang zo ii. Inapui rel tlang thil loin a umh awnghnak tu zai pawlkom in NCA ah hming ngan thil tihnak thu ah a lungrual thil lo awng ii.
info