Pondunhnak ngaingai umh hlan tianin Shan ralkap palai lam in acozah thawn tawngdunhnak umh vivo tuh a lau thu phuang ii.
Remhnak laai ngan tlang maanin ralkap acozah thawng a tawngdunhnak heh ben nia umh ngaingai lo thai tiin Myamar Peace Centre (MPC) palai pakhat in reel ii. MPC ai senior advisor U Hla Maung Shwe he thu heh Shan State hlanglam ah cozah ralkap le Shan State Army-South/Restoration Council of Shan State (SSA-S/RCSS) in Tlawngkai nihnih nia ai Mong Pawn Towship ah a tawngdunhnak hnak in acozah lam pathum le Shan lam in pakhat hliamtuar thula relhnak ah phuanghnak ii. He tawngdunhnak heh Sam Bu khua hiangah ii le nazi pakhat dung rai ii. Sam Bu khua heh Shan State capital khuapui Taungyi an mile 38 dung ah umh ii.
U Hla Muang Swe in, “Aisu in khai ralkap acozah thawn remhnak bawn maanin tawngdunhnak umh tuh nawn lo ti ngam lo ii. Hetih bang ai remhnak a bawnhnak san khai tawngdunhnak tlawm deuh tuhin ruathnak in tel tlanghnak sawn ii.” tiin reel tel ii.
September 9 nia ah acozah lam in President Thein Sein le tlangvum miphunte hmuah in Nationwide Ceasefire Agreement (NCA) tihnak remhnak laai bawn tlang tuhin a lungkhim thu phuang zo ii.
Aung San Suu Kyi lam in Shan State ai Hopong khua a tlawn fangin tlangvum ralkap pawlkom in acozah thawn remhnak laai ngan bawn tlang vual tuh thu ah mangrau pha lo thu reel ve ii.
Acozah lam in a fehpuidan bang i lekhaw hetin remhnak laai NCA ah hming khum tlang liang hnua fang ianin acozah le tlangvum ralkap pawlkom karlak ah thula ngaingai rel tlang thil tuh lai ii. He rel tlang tuhhnak heh remhnak umh tuhin ruathnak ii ai Union Parliament in siik leh tuh ai a lungkhim hnua fang ian in a takin fehpui tum ii.
Source: S.H.A.N
info