Pu Terrace San Mawi Nikhuai in Chairman of Chin State Administrative Council pervo ngah

Pu Terrance Sanmawi Nikhwe

Pu Terrace San Mawi Nikhwe (Nikhuai) heh Kawlram ai Administrative Council in Chin state huap ca Administrative Council President i tuhin Chief Justice of the High Court pervo heh February 2, 2021 nia ah pe ii.

Pu San Mawi heh Laitlang ai Zanniat ram song ah Lumte khua te ii ai, Wunna Kyaw Htin Dr. Nikhwe ai fapa ii. A pu heh Major Kap Cong ii ai hlanlai ah 1st Chin Battalion ah tel ii. Dr. Nikhuai heh England ah si (medical) lam zir in umh awng ai, cia hnua Kawlram Prime Minister U Nu in Rangoon khuapui ah sibawi per tuhin sawm awng napui hiam lovin Laitlang ai Falam khua sawn ah per awng ii. Dr Ni Khuai san ah Falam ai sizung (hospital) khiah hmingthang ngai awng ii.

Pu San Mawi heh Chin state ah tayazung lam (High Court) ah lu ber (Chief Justice) in naper nai teng ii ai, tunah Administrative Council ah hotu ber naper ngah ii.

Administrative Council in thusuakhnak

Chin ramkulh Ukhnak Hotu Pa Terrance San Mawi Nikhuai Thula
————————
Rampui thunai hnak langtu ralkap pawl in Cozah thar dingai Chin ramkulh Ukhnak Hotu tuh in Pa Terrance San Mawi Nikhuai khiah Feb 2 .2021 nia ah pervo pe ii. Tunai Cozah thar ah Chief minister um lo hang ai CM thawn rank bang dun Chin State Administrative Chairman tin ko ai cia mi pervo khiah lang ii.
Atluanthu com
**************
Pa Terrance San Mawi Nikhuai khiah Falam Siibawi hmingthang Dr. Nikhuai le England miphun Nu Jasmine te Fa 9 nai ai Pa Terrance San Mawi Nikhuai khiah a fa upa ber 1956 kum falam ah suak ii.
A suah pui unau pawl
1. Jacqueline Saw Vang (Yangon)
2. Steven Thang Luai (thi)
3. Jessie Hlai Man (Yangon)
4. Timmy Phun Lian Thang (England)
5. Andrew Lian Sang (England)
6. Mary Anna Bawi Thiam(Yangon)
7. Jeanie Cung Khim (England)
8. Jonathan Sui Lian Sang (England) te pawl ii.
– Dr.Ni Khuai khiah Falam sizung ah naaper lai ah Falam mipha lo pawl in Zuar man in Mandalay, Yamethin le Meikthila thawn in naa per ai Pa Terrance San Mawi Nikhuai te unau za khai a nu le pa naper thawn hmun cang ah hlun vivo ii.
-Pa Terrance San Mawi Nikhuai khiah Falam ah Laitlawng kai ai Meikthila ah phun 10 ong ii. Phun 10 ong hnua yangon phunsang tlawng in Daan thu degree ngah ii.
Cia tin Meikthila Khua mi thawn in innsang ding ai fanu 1 le fapa 1 nai ii. a nupui thawn in miphun le Biak hnak bandun lo /remcang dun lo man in a dangdang in um kawm ii.
-Tlawng ben hnua ah thunkhan zung ah naper pan ai Yangon, Mandalay, Shan ram le Falam ah khai na per awng ii .
– Pa Terrance San Mawi Nikhuai in “Tun bang thubuai lai ah Chin State Administrative Chairman pervo i pe ai zai bang tuh tih khai ling ve lai lo ing. I na pui ram le miphun hrang ah i ben tawk neu in zuam in per tuh ing. Cia man in Chin mipui te in khai Sawngen hnak thawn i bawm ning kul tuh i tin” rel ii.Cen Chin State Administrative Council songtel ah ai su te tel tuh ai zai pervo sem dun tuh a ling lai lo thu rel bet ii.
Ngantu -Thangboo

Only registered users can comment.